Kryetarja e Komisionit të Shëndetësisë Albana Vokshi ka ngritur sot në mbledhjen e këtij Komisioni akuza tronditëse.
Në bazë të informacioneve të saj, Vokshi pretendon se në harkun kohor të 15 ditëve, 6 pacientë me HIV në një stad të avancuar në shërbimin e Infektivit në QSUT kanë gjetur vdekjen si pasojë e mungesës së barnave.
Vokshi në mbledhje:“Nga denoncimet e qytetarëve dhe në media ka informacione se në 15 dite kanë humbur jetën 6 persona që ishin me HIV në stad të avancuar, por kanë ndërruar jetë për shkak të mungesës së medikamenteve”.
Mbi këtë çështje të ngritur, kreu i Shëndetësisë Ilir Beqaj i thirrur në Komision ka kërkuar kohë që konfirmojë informacionin.