Elbasan/ Lirohet Vladimir Gjuta, nuk kishte prova kundër tij

Vladimir Gjuta ka dalë sot në mesditë nga qelitë e burgut të Elbasanit, pasi Prokuroria urdhëroi lirimin e tij të menjëhershëm disa ditë më parë.   Gjuta u prit jashtë ambienteve të burgut nga të afërm dhe miq të tij, pasi ishte arrestuar dhe akuzohej për tritolin e vendosur tek farmacia e babait të ministrit të Brendshëm Saimir Tahiri.   Por, Prokuroria tha se nuk ka asnjë provë ndaj tij, kështu që duhej të lirohej.   Gjuta u arrestua në muajin qershor të vitit 2015 në një operacion të forcave speciale RENEA, ndërsa ministri i Brendshëm dhe policia shpeshherë janë shprehur se kishin shkatërruar një organizatë kriminale, por që pas hetimeve të zhvilluara nga Prokuroria ka rezultuar se gjithçka ka qenë një bllof policor.