Kryeministri shqiptar Edi Rama ka zhvilluar dje një vizitë zyrtare në Shtëpinë e Bardhë. Ndërsa është mediatizuar se ai është pritur nga Presidenti Obama, në fakt kjo gjë nuk ka ndodhur.
Janë një sërë faktesh që tregojnë se Rama sot nuk është pritur nga Presidenti Obama. Axhenda zyrtare e Shtëpisë së Bardhë listonte një takim të shefit të qeverisë shqiptare me Zv.Presidentin amerikan Joe Biden, por jo me Presidentin Obama. Gjithashtu, vetë zyra e shtypit e Kryeministrisë publikoi vetëm tre rreshta të fjalës që Obama tha në takimin “super të suksesshëm”. Ndërkaq, Rama në intervistën për Top Story, pas vizitës në Shtëpinë e Bardhë, tha se Obama thyeu protokollin duke iu bashkangjitur takimit me Biden, duke dëshmuar edhe një herë se nuk ka një pritje protokollare e Kryeministrit Rama nga Presidenti Obama.
Siç duket edhe më poshtë, në asnjërën prej tyre nuk gjen ngjashmëri me pritjen e Ramës, e cila përtej një fotoje, po shitet mediatikisht duke iu hedhur hi syve të shqiptarëve.
