Jo vetëm gratë keqtrajtohen. Në gjykatë ka dhjetëra kërkesa për urdhëra mbrojtje, mes tyre edhe burra që kërkojnë të mbrohen nga gratë dhunuese, Një rast i tillë ka ndodhur në Durrës. Mësohet se një burrë në Durrës është pajisur me urdhër-mbrojtje pas dhunës së ushtruar ndaj tij, pikërisht nga e shoqja. Shtetasi me iniciale XH. S., 54 vjeç i është drejtuar policisë për t’u ankuar për dhunën që pësonte nga e bashkëshortja e tij 50 vjeçe, shtetasja Sh.S.
Sipas policisë, ajo ka ushtruar dhunë fizike dhe psikologjike ndaj tij. Gruaja është detyruar nga gjykata të qëndrojë larg bashkëshortit të saj. Ndërkohë për bashkëshortin e dhunuar janë marrë masa shtesë.
