Kreu i grupit parlamentar të LSI, Petrit Vasili, ka folur këtë mbrëmje për reformën në drejtësi. Vasili ka thënë se kjo reformë është në momentin e finalizimit dhe se palët kanë pranuar draftin e Komisionit të Venecias.
Për pikat që ende nuk është rënë dakord, Vasili shprehet se politika duhet të punojë natë e ditë për të gjetur një zgjidhje.
“Reforma në Drejtësi në momentin e finalizimit. Komisioni i Venecias ka thënë që politika duhet të gjejë zgjidhje për çështjet. Duhet dakordësim politik. Aty ku kemi ndarje, do pranojmë që EURALIUS të na japë një zgjidhje. Shpërdorimi i kohës është dëm i madh që i bëhet Shqipërisë. Është e domosdoshme të bëjmë natën ditë e të punojmë pa reshtur, që të gjejmë zgjidhje për çështjet që nuk biem dakord. LSI do të mbështesë të gjitha çështjet”, ka thënë Vasili.
