Policia italiane ka arrestuar një shtetas shqiptar, i cili teksa po udhëtonte me makinë e tij tip “Opel” kishte të fshehur edhe një sasi prej 6 kg kokaine.
Me vete shqiptari kishte edhe vajzën e vogël 8 vjeçe për të mos ngjallur dyshime.
Por në momentin e ndalimit nga policia në zonën e Bolzanos, ai ka shfaqur shenja nervozizmi. Kjo i shtoi dyshimet policisë për një kontroll të imtësishëm të mjetit, ku u zbulua edhe droga.
Vlera e saj në treg llogaritej në mbi 1 milion euro. Identiteti i tij nuk bëhet me dije. Pas arrestimit vajza e vogël i është besuar shërbimeve sociale, derisa të vijë nga Gjermania mamaja e saj.
