Një ish- punonjës i degës postare në Pogradec është vënën në pranga pasi ka përvetësuar paratë e paguara për energjinë elektrike. Gjatë ditës së djeshme u bë ndalimi i Ari Shkullakut 32 vjeç, banues në fshatin Stropckë të Pogradecit. Ndalimi i tij u bë pasi, dyshohet se gjatë periudhës prill 2014- shkurt 2015, gjatë së cilës ka qenë punonjës në degën Postare të rrethit Pogradec, ka përvetësuar shumën prej 50 000 lekë të reja, nga detyrimet e faturave të energjisë elektrike, të disa abonentëve të fshatit Dardhas. Në ngarkim të tij materialet i kaluan Prokurorisë së Pogradecit për veprën penale “Vjedhja e kryer duke shpërdoruar detyrën.
