Mungesa e opozitës në mbledhjet e Komisioneve Parlamentare si edhe një pjesë të deputetëve të mazhorancës ka pamundësuar zhvillimin e shumicë2s së tyre. Por në mbledhjen e Komisionit të Jashtëm ku për të mbushur kuorumin ishin të pranishëm edhe deputetë zëvendësues, nuk kanë munguar batutat dhe humori mes ligjvënësve. Deputeti socialist Alfred Peza i cili ishte i pranishëm si anëtar zëvendësues në mungesë të kuorumit erdhi pasi mbledhja kishte filluar, dhe gjeti aty gjashtë zonja deputete dhe kolegun Taulant Balla. Kryetarja e Komisionit, Arta Dade i uroi mirëseardhjen, por kjo u shoqërua me batuta jo fort të zakonta për të tilla ambiente.
Ja dialogu Dade-Peza
Arta Dade: Z. Peza, ju falënderoj për pjesëmarrjen. Bëtë shumë mirë që erdhët, që të rregulloni pak situatën. Shiko si ishim bërë këtu, vetëm femra. Z. Balla ishte i vetmi…
Alfred Peza: Besoj që biem të gjithë dakord që unë dhe kolegu Balla kemi kapacitetet për të përballuar dhe kompensuar situatën.
Arta Dade: Jooo. Nuk besoj të jeni aq të fuqishëm!
Alfred Peza: Epo tani, me provë është kjo punë!
