Deputetja socialiste Arta Dade kërkon që kryetari i Partisë Socialiste të zgjidhet me parimin një anëtar një votë.
Në një letër drejtuar kreut të grupit parlamentar të socialistëve Gramoz Ruçi e cila mban dhe firmën e koleges së saj Mimoza Hafizi, Dade kërkon që para Asamblesë të njihen me ndryshimet në statut dhe të jetë Asambleja që të përcaktojë rendin e ditës për Kongresin e 19 marsit.
“Në mbledhjen e Asamblesë të bëhet një shtesë”.
Dade kërkon që në Kongres të përcaktohet data e zgjedhjeve për kryetarin e PS, të paraqitet platforma për kandidatin dhe ti lihet një muaj kohë pas Kongresit garës për kreun e socialistëve.
Mësohet se Dade dhe Hafizi do ti drejtohen me një letër edhe Komisionit të Garancive Statusore.