Kryetari i Partisë Demokratike, Lulzim Basha, në vijim të turit “Fjalën e kanë qytetarët”, u takua me banorë të fshatit Paçram, nga ku bëri thirrje që më 8 dhjetor të nisë “një përballje pa kthim për largimin e kësaj qeverie”.
“Çdo ditë, çdo javë, çdo muaj që kalon është një ditë, një javë, një muaj më shumë hajdutëri e vjedhje e parave tuaja”, theksoi Basha.
Sipas kreut të opozitës, “nuk ka pse t’ia zgjasim kohën të keqes”: “T’ia shkurtojmë kohën të keqes, t’ju japim edhe një herë mundësi juve të zgjidhni me votën tuaj qeverinë që meritoni”.
