Çështja e shumëdebatuar e kompanisë CEZ ka ndezur në kulm debatin mes të gjithë personazheve të përfshirë direkt ose indirekt në këtë aferë. Ditën e djeshme u shpërndanë nga një emër anonim në rrjetet sociale dy foto ku dukej ish-deputeti dhe ish-ministri i LSI -së, Dritan Prifti, në momente intime, në një krevat në shoqërinë e një vajze. Fotot, për të cilat thuhen se janë pjesë e një filmimi të fshehtë që i është bërë personazhit Dritan Prifti, janë bërë nga një kamera e fshehtë. Ekzistenca e kësaj videoje, fotot e së cilës u publikuan dje, përflitej që para katër viteve, në kohën kur mes ish-ministrit të Ekonomisë dhe partisë së tij ndodhi përplasja e madhe që përfundoi me publikimin e videos “Meta-Prifti”. Përpos përplasjeve në vite, akuzat mes Metës dhe Priftit u rikthyen sërish këtë fillim vjeshte, tashmë me debatin për CEZ-in. Kështu, sipas ish-ministrit të Energjetikës, Kryeparlamentari e kishte urdhëruar të firmoste dokumente që kishin lidhje me Kastriot Ismailajn, por që ai nuk kishte pranuar ta bënte, duke sjellë edhe ftohjen e mëvonshme mes tyre. Ndërsa Meta dy ditë më parë deklaroi se nuk ka frikë nga intriga moçalore, duke iu drejtuar ndoshta indirekt, pikërisht Dritan Priftit.
