Procedura e plotë për të njësuar një diplomë
Rastet kur nuk njësohen studimet jashtë shtetit
Ministria e Arsimit ka publikuar emrat e rinj të studentëve që u janë njohur diplomat në muajin janar. MAS thekson se procesi i njësimit do të vazhdojë dhe kandidatët e interesuar duhet të dërgojnë me postë në zyrën e Marrëdhënieve me Publikun të dosjen e aplikimit. Brenda 3 ditësh, sektori i Njohjes së Diplomave informon aplikantin për mbërritjen dhe plotësinë e dosjes. Aplikimi nuk quhet i plotë, nëse mungon një nga dokumentet e mëposhtme.
Njohja
“Vlerësimi i nivelit, profilit dhe drejtimit që përfshin një diplomë apo certifikatë e
caktuar, kryhet nga Komisioni i Njohjes së MAS për rastet: Kur është pjesë e kuadrit të një marrëveshjeje ndërshtetërore, kur një diplomë është lëshuar nga një institucion i akredituar në një nga vendet e listuara në aneksin bashkëngjitur këtij Udhëzimi si dhe kur për të njëjtin program studimi apo titull diplome lëshuar në të njëjtin
shtet, një Komision i mëparshëm i MAS ka marrë një vendim njohje”, – thuhet në udhëzimin për njohjen e diplomave. Në përfundim të procedurës aplikantit i lëshohet një dëshmi njohjeje nga MAS, jo më vonë se një javë nga përfundimi i procedurës. Dëshmia nënshkruhet nga kryetari i Komisionit të Njohjes. Në dëshmi përfshihen vitet e studimit, profili i diplomës së bashku me drejtime sekondare që nënkupton një program studimi, kur nuk përfshihet ose nuk është i ngjashëm me emërtimet e drejtimeve dhe profileve të studimit në Republikën e Shqipërisë. Bazë e vlerësimit të programit dhe kursit të kryer janë lëndët/modulet e programit, numri total i krediteve të fituara, vitet e studimit, kualifikimet që përcaktohen nga kuadri ligjor i vendit të origjinës, krahasuar me kuadrin vendas rregullues. Në rastet e mosnjohjes së kursit të studimeve dhe kualifikimit të fituar, brenda 5 ditësh nga përfundimi të procedurës për njohje, kryetari i Komisionit njofton me shkrim aplikantin për mosnjohjen dhe arsyet përkatëse.
E gjithë procedura e njohjes së diplomave dhe certifikatave në MAS përfundon brenda 45 ditëve nga dita kur dosja për aplikim është e plotësuar me dokumentacion e kërkuar. Aplikanti ka të drejtë të bëjë ankim me shkrim te ministri i Arsimit. Ankuesit i kthehet përgjigje brenda 30 ditësh nga data e paraqitjes së ankesës. Tarifa për procedurat e njohjes është 2.500 lekë.
Dokumentet
– Formati i aplikimit të plotësuar
– diplomë ose certifikatë/vërtetim i diplomimit
– listë e notave ose suplementi i diplomës;
– dokument zyrtar identiteti: fotokopje e pasaportës dhe kartës së identitetit
për shtetasit shqiptarë dhe të huaj
– Mandatpagesë
Lista e diplomave të njësuara në muajin janar
EMËR | MBIEMËR |
Arjana | Ademi |
Besmir | Lika |
Dorjan | Aliko |
Elis | Angoni |
Erald | Zerba |
Erlin | Kuci |
Ermira | Barkaneshi |
Ervis | Zafiri |
Fabjola | Sejdi |
Giuseppe | Speziale |
Ingrid | Postol |
Inid | Petromilo |
Johan | Dhembi |
Jonian | Molla |
Julian | Shllaku |
Klaudia | Beqari |
Kliton | Gjonce |
Nexhmije | Kajno |
Nolian | Papa |
Olisa | Porodini |
Oresti | Fetah |
Redvis | Mazi |
Agron Aleksandros | Demis |
Rezar Aris | Deveja |
Alpinistët shqiptarë valëvisin flamurin në majën më të lartë të Amerikës së Jugut
Ekipi i alpinistëve shqiptarë, pjesëtarë të shoqatës Bjeshkatarë dhe Alpinistë Tirana arritën me sukses më 11 shkurt në orën 17:00 majën më të lartë të Amerikës së Jugut Akonkagua 6962 m. Duket se vështirësitë për shkak të kushteve atmosferike u përballuan dhe u mposhtën dhe i gjithë ekipi me të pestë alpinistët: Gjergj Bojaxhi, Fation Plaku, Ervin Dervishi, Gerti Pishtari dhe Erli Rrudho, arritën të ngjiteshin dhe të valëvisnin flamurin e Shqipërisë në majën më të lartë të kontinentit amerikano-jugor, duke u shtuar sukseseve të tyre edhe një prej 7 majave më të larta të botës, Akonkagua. Z. Dietlof Mare, drejtori i kompanisë “Vodafone Albania”, që është një prej dy sponsorëve kryesorë të alpinistëve, shprehu vlerësimin për pasionin dhe vendosmërinë e alpinistëve dhe përsëriti angazhimin e kompanisë “Vodafone” për të qenë krah sportistëve shqiptarë për të arritur suksese të niveleve botërore. Përmes teknologjisë së ofruar nga “Vodafone”, eksperienca e ngjitjes së këtyre majave po ndiqet hap pas hapi. “Vodafone Albania” ofron teknologjinë më moderne të rrjetit 2G dhe 3G me parametra të njëjtë me vendet e Bashkimit Evropian dhe teknologjia me të cilën “Vodafone” operon në tregun tonë, është e njëjtë me teknologjinë e aplikuar nga rrjetet “Vodafone” në vendet e tjera evropiane.
Përveç mbështetjes financiare për alpinistët shqiptarë, “Vodafone”, përmes teknologjisë, ka ofruar komunikim dhe ndjekje të rrugëtimit të alpinistëve nga nisja deri në realizimin e ngjitjes në majën Akonkagua.