Ervin Kaduku
Vendimi hyn në fuqi nga 15 korriku. Paga mesatare, që tani është 51.3 mijë lekë, do të arrijë në 52. 8 mijë lekë, duke pësuar një rritje prej 3%. Sektori i arsimit dhe shëndetësisë pritet, sipas këtij projekt-vendimi, të ketë rritjen më të madhe të pagës, kjo rritje është parashikuar të jetë 3-4%.
Pagat dhe pensionet do të rriten edhe këtë vit. Ndryshe nga disa njoftime në media, që kishin paralajmëruar tërheqje të qeverisë “Berisha” nga angazhimi i saj tetëvjeçar, ka qenë vetë kreu i ekzekutivit që ka lajmëruar në Facebook vendimin e palëkundur për të zbatuar deri më një premtimin e marrë para shqiptarëve që në fillim të mandatit të tij të parë dhe në vazhdim.
Edhe Ministria e Financave njoftoi zyrtarisht se vendimi për rritjen e pagave dhe pensioneve do të hynte në fuqi duke filluar nga 15 korriku dhe jo më 1 korrik, siç parashikohej dhe do të ketë efekt prapaveprues. Sipas rregullit buxhetor dhe ligjeve në fuqi, rritja e pagave dhe pensioneve duhet të ndodhë, pavarësisht vullnetit politik apo pamundësisë financiare të qeverisë, në të paktën sa niveli i inflacionit, që mesatarisht është rreth 2.5 për qind. Më parë ka qenë Kryeministri Sali Berisha, i cili tha se rrogat dhe pensionet do të rriten. Sipas projektvendimit, rritja llogaritej duke nisur nga 2 deri në 5 për qind, sipas kategorive, ku për nivelin e lartë të drejtuesve të shtetit nuk do të kishte shtesa, kurse përfitimin më të madh do ta kishin punonjësit me pagën më të ulët. Fondi i parashikuar nga qeveria për rritjen e pagave dhe pensioneve llogaritet 2.5 miliardë lekë.
Ekspertët e Ministrisë së Financave kanë tashmë gati projektvendimin, ku është përcaktuar rritja e pagave si dhe pensioneve sipas sektorëve dhe kategorive, rritje e cila pritet të jetë nga 1 deri në 5%. Pagat e larta do të rriten vetëm me 1%, ndërsa pagat e ulëta 5%. Sipas projektvendimit të Ministrisë së Financave, paga minimale nga 21 mijë lekë do të shkojë në 22 mijë lekë, duke pësuar një rritje prej 5%.
Paga mesatare, që tani është 51.3 mijë lekë, do të arrijë në 52. 8 mijë lekë, duke pësuar një rritje prej 3%. Sektori i arsimit dhe shëndetësisë pritet, sipas këtij projekt-vendimi, të ketë rritjen më të madhe të pagës, kjo rritje është parashikuar të jetë 3-4%.
Efekti financiar i rritjes së pagave dhe pensioneve është parashikuar me miratimin e buxhetit të vitit 2013, në zërat “politika të reja pagash” me vlerë 1 miliardë lekë, dhe politika të reja pensionesh në vlerë 1.5 miliardë lekë.
Rritja e pagave dhe pensioneve:
Pagat e larta rriten 1%
Pagat e ulëta rriten 5%Pagat në vlerë ishte bëhet
Paga minimale 21 mijë lekë 22 mijë lekë
Paga mesatare 51.3 mijë lekë 52. 8 mijë lekë
Arsimi i mesëm 59.4 mijë lekë 61. 2 mijë lekë
Arsimi 9-vjeçar 56.7 mijë lekë 58. 4 mijë lekë
Paga mesatare mjekët 55.7 mijë lekë 57. 9 mijë lekë
Paga mesatare infermierë 36.7 mijë lekë 38.1 mijë lekë
Pensionet
Rreth 571 mijë pensionistë do të përfitojnë nga rritja e pensioneve në masën 3-5% edhe këtë vit. Sipas të dhënave të Ministrisë së Financave, pensionet e fshatit do të përfitojnë edhe rritjen më të madhe, ndërsa rritje të konsiderueshme do të përfitojnë edhe pensionet e qytetit.
Masa mujore e pensioneve lekë:
viti urbane rurale2007 10.143 4.626
2008 10.957 5.158
2009 12.032 6.656
2010 12.840 7.870
2011 13.267 8.358
2012 13.712 8.873
2013 14.100 9.130
Pagat
Duke filluar nga muaji korrik, qeveria vendosi një tjetër rritje të pagave për administratën shtetërore. Kjo rritje tejkalon 3-5 herë inflacionin e këtij viti, ku pagat e ulëta do të kenë edhe rritjen më të lartë.
Sipas të dhënave zyrtare të Ministrisë së Financave, paga mesatare mujore e punonjësve buxhetorë në muajin korrik llogaritet 52.800 lekë.
Prioritet u është dhënë sektorëve të arsimit dhe shëndetësisë.Paga mesatare ne sektorin shtetëror 1995-2013
1995 6.406
1996 8.638
1997 9.559
1998 11.509
1999 12.708
2000 14.963
2001 17.218
2002 19.659
2003 21.325
2004 24.393
2005 26.808
2006 28.822
2007 33.750
2008 36.537
2009 40.874
2010 45.000
2011 48.000
2012 51.300
2013 52.800