Kryetari i Partisw Republikane Fatmir Mediu ka shprehur ngushëllimet pas ndarjes nga jeta të ish deputetit Marko Bello.
“Marko politikan pa komplekse, Ministër dhe deputet mendje hapur dhe i ndershëm. Mbi të gjitha mik nga më të mirët që mund te kesh në jetë”, shkruan Mediu.
Ja postimi i plotë:
Me hidhërim të mora lajmin se Miku ynë Marko Bello ndërroj jetë, në luftë me COVID-in.
Marko njeri plot jetë që mbushte me gëzim e të qeshura cdo ambient ku ishte prezent
Marko politikan pa komplekse, Ministër dhe deputet mendje hapur dhe i ndershëm. Mbi të gjitha mik nga më të mirët që mund te kesh në jetë.
Ky është një moment i vështirë për Ne miqtë e tij, por vecanërisht për Silvën, femijët dhe familjen e tij. Lutemi që Zoti të jetë pranë tyre në këtë moment të vështirë.
U prehsh në paqe miku im. Do të kujtojmë gjithmonë buzëqeshjen dhe humorin tënd.
