Situata e krijuar nga Covid-19, ndikoi që portet të shënojnë rënie të ndjeshme të hyrjeve daljeve përgjatë sezonit turistik. Gushti shënoi numrin më të ulët të udhëtarëve përmes portit të Vlorës, pavarësisht se pritshmëritë ishin të larta. Fundjava që lamë pas shënoi fluksin më të lartë në dalje me tragetet e linjës me italinë. Krahasuar me të dhënat e një viti më parë shifrat e lëvizjes janë shumë më të ulta. Dy tragetet e linjës me Brindisin nga porti i Vlorës kanë funksionuar rregullisht, por mbi bazë të rregullave kundër përhapjes së Covid-19.
