Standard.al

Basha pret dy ish-zyrtarët e lartë nga Kosova: Institucionet dhe forcat politike do tejkalojnë çdo sfidë

0

Kryetari i Partisë Demokratike Lulzim Basha është takuar sot me dy ish-zyrtarë të lartë nga Kosova. Basha informon për këtë takim në një postim në “Twitter”. Ai shkruan se ka mirëpritur ish-nënkryetarin e Kuvendit të Kosovës, z. Xhavit Haliti dhe ish zv/kryeministrin e ministrin e jashtëm z. Enver Hoxhaj.

Basha shpreh bindjen se së bashku me partnerët euroatlantikë, institucionet dhe forcat politike në Kosovë do të tejkalojnë çdo sfidë, ndërsa thekson mbështetjen e Partisë Demokratike.

“Pata kënaqësinë të mirëpres sot ish nënkryetarin e Kuvendit të Kosovës, z. Xhavit Haliti dhe ish zv/kryeministrin e ministrin e jashtëm z. Enver Hoxhaj. Kosova ka ditur gjithmonë të tregojë maturi përballë sfidave jo të pakta që ka kaluar para dhe pas pavarësisë së saj. Pavarësia, sovraniteti dhe tërësia territoriale e Kosovës janë të pacenueshme. Jam i bindur se së bashku me partnerët euroatlantikë, institucionet dhe forcat politike në Kosovë do të tejkalojnë çdo sfidë dhe do t’ia dalin të ndërtojnë një të ardhme më të mirë për qytetarët e saj. @pdshqipëri është e do të jetë gjithmonë në krah të Kosovës dhe popullit të saj”, shkruan Basha.

  • foto galeri
  • foto galeri
  • foto galeri

Leave A Reply

Your email address will not be published.

This site uses Akismet to reduce spam. Learn how your comment data is processed.