Sipas mediave amerikane, thuhet se Diplomati i Departamentit Amerikan të Shtetit për çështjet europiane Wess Mitchell, paraqiti arsyet e dorëheqjes në një letër, të cilën ia dorëzoi Sekretarit të Shtetit Mike Pompeo më 4 janar.
41-vjeçari do të qëndrojë në këtë pozicion deri më 15 shkurt, raporton The Washington Post
“Besoj se ka ardhur koha që të kaloj më shumë kohë me familjen time, të cilët kanë kaluar shumë ditë pa mua gjatë disa muajve të fundit”, tha Mitchell në një intervistë, ndërkohë që theksoi se dorëheqja e tij nuk është një protestë e politikave të administratës apo drejtimit të politikës së jashtme, ndërkohë që vlerësoi udhëheqjen dhe vizionin e Pompeo.
Në shtator të vitit 2017, Mitchell u bë sekretari i parë ndihmës i shtetit në administratën e Donald Trump konfirmuar nga Senati.