Lajmi për largimin e Anjeza Majës nga drejtimi i programit “Në Shtëpinë Tonë”, pas tre sezonesh, bëri dje xhiron e të gjithë portaleve.
Por “Top Channel” e ka zgjedhur tashmë moderatoren, që do të drejtojë në krah të Florian Agalliut në këtë sezon të katërt.
Është Stela Kotri, prezantuesja e një seri programesh të përditshme në disa ekrane si “Vizion Plus”, “Ora News”, “Alsat”.
Ajo rikthehet në “Top Channel” pas shumë vitesh.
Kujtojmë që Stela ka qenë drejtuese e “Top Select” para shumë kohësh.
Sezoni i ri “Në Shtëpinë Tonë” pritet të sjellë ndryshime edhe në përmbajtje, ndaj do duhet të presim se çfarë do të rezervojë ekipi i këtij programi për të gjithë ndjekësit e tyre në shtator.
