Një 34 vjeçar është gjetur i mbytur sot në shpellën e ‘Haxhi Aliut’ në Karaburun. Sipas policisë 34 vjeçari i identifikuar si Armand Hallvaxhiu është nga Tirana.
Në njoftimin e policisë thuhet se 34 vjeçari ishte i pasionuar pas zhytjes dhe peshkimit. Trupi i pajetë është dërguar drejt morgut. Më parë 34 vjeçari ka punuar edhe si kameraman në tek News 24 dhe Agon Channel.
Deklarata e Policisë:
Më datë 22.04.2018, Salla Operative Vlorë është njoftuar nga një telefonatë se në
Karaburun në vendin e quajtur Shpella e ‘Haxhi Ali-ut’;, është mbytur shtetasi A.H., 34
vjeç, banues në Tiranë, i cili merrej me zhytje.
Trupi i pajetë po transportohet në morgun e Spitalit Rajonal Vlorë.
Grupi hetimor po punon për sqarimin e plotë të rrethanave të ngjarjes.