Pogradec, gjen vdekjen në aksident një 50- vjeçar

Një 50- vjeçar ka humbur jetën orët e para të mëngjesit të sotëm pasi u përplas nga një kamion. Ngjarja ndodhi në lagjen numër 3 të qytetit të Pogradecit. Burime nga policia bëjnë me dije se emri i viktimës është Muharrem Ylli. 50- vjeçari po udhëtonte me biçikletë kur u përplas nga një kamion. Ai gjeti vdekjen e menjëherëshme si pasojë e plagëve të rënda të marra në kokë. Uniformat blu të Pogradecit ndaluan drejtuesin e kamionit, Pelivan Gjonaj ndërsa po punojnë për zbardhjen e plotë të rrethanave të këtij aksidenti.