Nga Besart Xhaferri/
Lajmësi nuk preket dhe ky kod i lashtë është respektuar dhe në ditët më të errëta të këtij vendi.
Gjesti i sotëm i Kryeministrit Edi Rama ndaj gazetares së Syri Tv Ambrozia Meta, ishte i rëndë por jo i paprecedentë për Edi Ramën.
Gazetarët janë në misionin e tyre fisnik për të kërkuar transparencë në emër të publikut dhe çdo akt dhune verbale dhe fizike ndaj tyre është i papranueshëm dhe i rëndë, aq më tepër kur bëhet nga kreu i shtetit.
Sjellja prej cubi e tij me gazetarët dhe vartësit është fytyra e vërtetë e Edi Ramës.
Kur shoh këtë sjellje prej harbuti më vjen ndërmend sjellja e tij prej servili të pështirë me ndërkombëtarët, të cilëve për hir të pushtetit është i gatshëm t’u japë gjithçka.
