Bota
Sociale
Sport
Kulturë
Koment
Kosovë

Vetëm 1 ofertë/ “Sindikata” e udhëhequr nga Soft & Solution fiton tenderin 16 mln euro të e-Albania

Një bashkim prej katër kompanish, të udhëhequra nga Soft & Solution është shpallur fituesja në tenderin 17 milionë euro për përmirësimin e shërbimeve të e-Albanias me teknologji mikroservisi. Agjencia Kombëtare e Shoqërisë së Informacionit ka shpallur fituese të garës, bashkimin e kompanive Soft & Solution, Communication Progress, Image and Communicaton Development dhe Kreatx.

Tenderi për përmirësimin e shërbimeve elektronike me teknologji mikroservisi u shpall në 1 tetor. Fondi limit i kësaj kontrate ishte paracaktuar 1 miliardë e 724 milionë lekë ose rreth 17.2 milionë euro. Në garë u paraqit vetëm një ofertë, ajo e bashkimit të katër kompanive, të cilat ofruan çmimin 1 miliardë e 586 milionë lekë ose rreth 15.9 milionë euro. Këtë të hënë, AKSHI njoftoi shpalljen fituese të ofertës së vetme.Sipas dokumentave të publikuara në APP, Soft & Solution ka 50 për qind të kontratës së majme, Kreatx 17.2 për qind, Communication Progress 16.7 për qind dhe ICD do të ketë 16.1 për qind.

Në fakt ky rezultat nuk është surprizë. Tashmë të gjitha kontratat e mëdha të AKSHI-it përfundojnë në të njëjtën dorë, herë vetëm dhe herë në sindikatë. Përjashtimi i menjëhershëm i kompanisë Advanced Business Solutions nga kontratat publike të IT-së, për arsye që mbeten ende të panjohura zyrtarisht, e ka lënë fushën e lojës me vetëm një lojtar. Kjo është kompania Soft & Solution, e cila tashmë praktikisht dikton tregun e IT-së në vend, që ushqehet nga paratë publike.

Biznesi miliarder i tenderave publikë të IT-së është shndërruar në një nga tregjet më të përqëndruara, ku edhe pse normat e fitimit janë të jashtëzakonshme, konkurrenca është praktikisht inekzistente. Kompanitë e huaja e kanë të pamundur të hyjnë në këtë treg për shkak të kritereve përjashtuese, që diktohen nga AKSHI, veçanërisht ato që kanë të bëjnë me certifikatat e sigurisë./ Kapitali.al

Share it :

Lajmet e fundit
Mato: Pastrimi i parave në ndërtim po lë të rinjtë pa strehë: Të monitoren transaksionet Në një kohë kur Tirana dhe zonat turistike të Shqipërisë përjetojnë një bum të jashtëzakonshëm ndërtimi, me kulla që ngrihen çdo ditë, një pyetje thelbësore po shqetëson gjithnjë e më shumë publikun: nga vijnë të gjitha këto para? Alarimin e ngriti Fanswa Mato, anëtar i departamentit “Brain Gain” në PD, i cili nga tryeza e diskutimit ‘Qeveria e Pasigurisë – dhe alternativa e opozitës’, denoncoi se pas fasadës së projekteve luksoze fshihet fenomeni i pastrimit të parave, duke e deformuar tregun dhe duke e bërë të pamundur për qytetarët e zakonshëm blerjen e një shtëpie. Mato, një profesionist me përvojë në menaxhimin e ndërtimit në Neë York, thekson paradoksin e hidhur të realitetit shqiptar: ndërsa miliona metra katrorë ndërtohen çdo vit, çmimet e apartamenteve kanë arritur nivele të papërballueshme për familjet mesatare. Fanswa Mato: Përvoja ime personale më ka dhënë mundësi të punoj në një mjedis ku standardet, transparenca dhe rezultatet konkrete janë thelbësore. Pikërisht kjo eksperiencë më motivon të kontribuoj me njohurinë dhe përvojën time për çështjet që lidhen me zhvillimin, mirëqenien dhe të ardhmen e Shqipërisë. Sot dua të flas për një nga problemet më serioze që po dëmton ekonominë shqiptare dhe po rëndon jetën e qytetarëve tanë: pastrimin e parave në sektorin e pasurive të paluajtshme dhe në ndërtim. Gjatë viteve të fundit kemi parë një bum të jashtëzakonshëm ndërtimesh, sidomos në Tiranë dhe në zonat turistike, ku kulla të reja ngrihen çdo ditë, projekte luksoze shtohen me ritme të shpejta dhe miliona metra katrorë ndërtohen çdo vit. Por pyetja që ushtrojnë shqiptarët është shumë e thjeshtë: nga vijnë të gjitha këto para? Sepse realiteti është ky: ndërsa ndërtohet gjithnjë e më shumë apartamente, qytetarët shqiptarë e kanë gjithnjë e më të vështirë të blejnë një shtëpi. Çmimet janë rritur në nivele të papërballueshme për familjet e zakonshme. Të rinjtë nuk arrijnë të sigurojnë një strehim, ndërsa shumë apartamente mbeten bosh dhe përdoren vetëm si instrumente financiare. Ky është paradoksi i Shqipërisë sot. Në njërën anë kemi një mbingopje me ndërtime, nga ana tjetër kemi mungesë strehimi për qytetarët. Kjo nuk është ekonomi normale tregu. Kjo është pasojë e deformimit të tregut nga paratë informale dhe nga mungesa e kontrollit shtetëror. Sipas të dhënave dhe analizave të institucioneve kombëtare dhe ndërkombëtare, Shqipëria ka pasur për vite me radhë probleme serioze në luftën kundër pastrimit të parave dhe organizata të rëndësishme ndërkombëtare kanë evidentuar dobësi në kontrollin financiar dhe në monitorimin e sektorit të ndërtimit. Gjatë analizës së këtij fenomeni, janë përdorur të dhëna nga institucione si Banka e Shqipërisë, INSTAT, Agjencia e Inteligjencës Financiare dhe FATF. Janë zhvilluar gjithashtu biseda me profesionistë të tregut, agjentë imobiliar, noterë dhe ekspertë financiarë. Të gjitha këto tregojnë se ekziston një shqetësim real për mënyrën se si fondet e dyshimta depërtojnë në ekonominë shqiptare. Mekanizmat janë të ndryshme. Në shumë raste përdoren kompani me burime financiare të paqarta, përdoren pagesa të mëdha kesh, transferta të dyshimta dhe forma të tjera që e bëjnë të vështirë gjurmimin e origjinës së parave. Në disa raste kemi dhe kompani që nuk justifikojnë nivelin e investimeve që realizojnë. Dhe kush e paguan koston e kësaj situate? E paguajnë qytetarët shqiptarë, e paguajnë familjet e reja, e paguajnë bizneset e ndershme, e paguan ekonomia e vendit. Sepse kur paratë e paligjshme futen në treg, konkurrenca bëhet e padrejtë. Çmimet rriten artificialisht, korrupsioni forcohet, besimi tek shteti dobësohet dhe në fund humb qytetari i zakonshëm që punon me ndershmëri. Si opozitë, ne kemi detyrimin moral dhe politik të ngremë zërin për këtë problem. Shqipëria nuk mund të ndërtojë të ardhmen mbi ekonomi informale dhe mbi mungesë transparence. Ne kemi nevojë për institucione të forta, për kontroll real financiar dhe për shtet ligjor funksional. Ne kërkojmë rritje të transparencës në transaksionet e pasurive të paluajtshme, kufizim të pagesave kesh në sektorin e ndërtimit, kontroll më të fortë mbi burimin e fondeve, monitorim më rigoroz të kompanive të ndërtimit, bashkëpunim më të madh mes institucioneve financiare dhe organeve ligjzbatuese. Ky nuk është thjesht një debat politik. Ky është një debat që prek ekonominë e vendit, të ardhmen e të rinjve dhe mundësinë që qytetarët shqiptarë të jetojnë me dinjitet në vendin e tyre.
May 15, 2026