Qeveria turke ka njoftuar se aktualisht më shumë se 600 njerëz po hetohen në Turqi për ndërtesat që u shembën nga tërmeti vdekjeprurës i 6 shkurtit.
Të shtunën, Ministri i Drejtësisë Bekir Bozdag tha se 184 të dyshuar, përfshirë kontraktorët e ndërtimit dhe pronarët e pronave, ishin arrestuar tashmë.
Për vite me radhë, ekspertët paralajmëruan se korrupsioni endemik dhe politikat e qeverisë nënkuptonin se shumë ndërtesa të reja ishin të pasigurta.
Numri i konfirmuar i vdekjeve në Turqi dhe Siri tani ka tejkaluar 50,000.
Komentet Bozdag treguan se si ishte zgjeruar hetimi, dy javë më pare ku autoritetet thanë se ishin lëshuar 113 urdhër-arreste, ku mes tyre është edhe një kryebashkiak. Më shumë se 160,00 ndërtesa u shembën ose u dëmtuan rëndë në Turqi pas tërmeteve, duke ngritur pikëpyetje nëse ndikimi i fatkeqësisë natyrore u përkeqësua nga dështimet njerëzore.
Partitë e opozitës dhe disa ekspertë ndërtimi akuzojnë administratën e Presidentit Rexhep Tajip Erdogan për dështim në zbatimin e rregulloreve të ndërtimit dhe përpjekje për të larguar fajin e përgjithshëm për katastrofën.
Ata thonë se politikat e qeverisë kanë lejuar të ashtuquajturat amnisti për kontraktorët që kanë shkelur rregullat e ndërtimit, në mënyrë që të inkurajojnë një bum ndërtimi, duke përfshirë rajonet e prirura nga tërmeti. Erdogan ka pranuar mangësitë, por duket se fajëson fatin për shkallën e katastrofës.
