Bota
Sociale
Sport
Kulturë
Koment
Kosovë

KKT, lavatriçja për Gysin e ortakët e Olsit – Plug zbardh skemën e pastrimit të parave

KKT, lavatriçja për Gysin e ortakët e Olsit – Plug zbardh skemën e pastrimit të parave

Emisioni investigativ Plug, publikoi të dhëna që ngrenë dyshime të forta se ortaku i Olsi Ramës, Amant Josifi përdor prestanome për të pastruar paratë e call centerave në Shqipëri. Personazhi kryesor në këtë skemë është shtetasi Arbër Habilaj, një ish-punonjës në bashkinë e Tiranës, i cili ka krijuar disa kompani. Nëpërmjet këtyre kompanive, ku janë ortakë dhe disa ish-punonjës të call centerit të Amant Josifit, dyshohet se janë pastruar qindra milionë euro në ndërtimin e disa kullave dhe resorteve në Tiranë dhe bregdet

Teksa Kryeministri Edi Rama ka sulmuar dhe akuzuar Syri Televizion për pastrim parash, emisioni investigativ Plug publikoi këtë të mërkurë (18 mars) prova që tregojnë se pastrimi i parave është pikërisht simboli i qeverisë së Edi Ramës.

Vetëm pak ditë më parë emisioni Le Iene në Italia 1, publikoi një tjetër investigim për biznesin e call centerave, ku ndër të tjera, ish-punonjës të këtij sektori deklaronin se pas këtij biznesi dyshohet se fshihet pikërisht vëllai i kryeministrit Edi Rama, Olsi Rama.

Ky i fundit është një ortak i vjetër biznesi me Amant Josifin, i cili dyshohet se nëpërmjet biznesit të call centerave ka kryer mashtrim dhe zhvatje të qytetarëve europianë deri në 2.5 miliardë euro. Të dhënat e Plug tregojnë se Amant Josifi dhe Olsi Rama janë ortak biznesi që prej vitit 2014, pikërisht në fushën e call centerave nëpërmjet kompanisë Pegasus shpk.

Por Plug shkoi më tej, duke zbardhur se Amant Josifi, i cili ndodhet në arrati në Dubai pasi kërkohet nga drejtësia spanjolle, dyshohet se ka ngritur një skemë të mirfillitë të pastrimit të parave duke përdorur prestanome pikërisht shtetasin Arbër Habilaj.

Ky i fundit, rezulton se ka qenë punonjës në bashkinë e Tiranës në pozicionin e specialistit, ndërsa shef i tij ka qenë Ditjon Baboçi.

Arbër Habilaj, pas vitit 2017, ka krijuar disa kompani, mes të cilave Artech Group, e cila ka përfituar disa leje ndërtimi për ndërtim kullash dhe të një resorti në Himarë, të firmosura pikërisht nga Kryeministri Edi Rama.

Të gjitha kompanitë e Arbër Habilajt, përfshi edhe adresën e tij si person fizik, janë të regjistruara në pallatin Domus në Myslym Shyri.

Ky pallat u ndërtua në vitin 2021, ndërsa projektimi është bërë pikërisht nga kompania Artech Studio, ndërsa leja e ndërtimit është firmosur nga dy shefat e Arbër Habilajt, Erion Veliaj dhe Ditjon Baboçi. Më pas kompania Artech Group, ka marrë dhe tre leje ndërtimi për kulla e resorte me firmë direkte të Edi Ramës, ku vlera e investimit për ndërtimin e këtyre objketeve llogaritet se i kalon 100 milionë euro.

Arbër Habilaj, rezulton gjithashtu se është ortak në disa kompani të tjera, ku ortak janë gjithashtu dhe shtetasit Luis e Renald Shtëpani, dhe Kliton dhe Eris Xhemali.

Këta shtetas rezultojnë gjithashtu se kanë qenë punonjës të kopanisë Ever Plus, e themeluar nga Amant Josifi në vitin 2019. Vartësit e Josifit, në kompanitë që kanë në bashkëpronësi me Arbër Habilajn, kanë investuar disa qindra mijëra euro cash, ndërsa nuk dihet burimi i tyre.

Shtetasi Luis Shtëpani në vitin 2014 ka themeluar kompaninë AGRA – LU, e cila si aktivitet ka patur, Zyrë këmbimi valutor. Në vitin 2017, Luisi ja kalon aksionet dajës së tij Agim Cani. Edhe kjo kompani në vitin 2020 ka përfituar leje ndërtimi për pallat në ‘Ali Demi’, ndërsa në vitin 2024 KKT e drejtuar nga Edi Rama, ka firmosur edhe një tjetër leje ndërtimi për këtë kompani për një kompleks vilash në Mjull Bathore në Tiranë, i cili gjithashtu është projektuar nga Artech Studio e Arbër Habilajt.

Pyetja më e thjeshtë që ngrihet në këto raste është se si një specialist bashkie si Arbër Habilaj dhe 4 punonjës Call Centeri arrijnë të shndërrohen ndër biznesmenët më të sukseshëm në Shqipëri, e më naive është pyetja se ku i gjetën lekët për të hapur kompani dhe marrë leje ndërtimi në vlera qindra milionë euro. E pa përgjigje do të mbetet pyetja se si këta personazhe i hynë në zemër kryeministrit Edi Rama që brenda pak muajve të firmoste për ta mbi 5 leje ndërtimi kullash e resortresh me vlerë disa qindra milionë euro.

Share it :

Lajmet e fundit
Koncesioni i check-up/ Milva Ekonomi i dha mln € Vilma Nushit, paratë u investuan te kulla e Pak ditë më parë, emisioni “Plug” në Syri TV bëri një përmbledhje me fakte dhe dokumente konkrete të abuzimeve që janë bërë nga shteti shqiptar me koncesionet e shëndetësisë, një prej tyre edhe koncesioni i check-up, një skemë e madhe abuzimi me taksat e qytetarëve shqiptarë. Për këtë koncesion u hap një garë ku morën pjesë disa kompani me eksperiencë në fushën e kryerjes së analizave mjekësore, por fituese u shpall 3P Life Logistic e Vilma Nushit. Do të hyjmë në detaje dhe do të kuptojmë se jemi përpara një gare fiktive me fitues të paracaktuar. Së pari, kjo kompani u themelua më 9 dhjetor 2014, ndërsa kontrata koncesionare u firmos dy ditë pa u mbushur muaji, më 7 janar 2015. Ndërkohë, gara për koncesionin e check-up u shpall që në shkurt 2014. Thënë ndryshe, 11 muaj përpara se të lidhej kontrata me kompaninë që Vilma Nushi themeloi një muaj përpara se të firmoste marrjen e koncesionit prej 138 milionë eurosh. Dhe çudia më e madhe qëndron te fakti se shpallja e fituesit zyrtarisht u bë më 6 tetor 2014, dy muaj përpara se të themelohej kompania që do të fitonte kontratën koncesionare. Pas firmosjes së kontratës koncesionare në fillim të muajit janar 2015 nga Ministria e Shëndetësisë dhe kompania 3P Life Logistic, Agjencia e Prokurimit Publik refuzoi publikimin e kësaj kontrate pasi konstatoi shkelje të rënda ligjore. E para, kontrata u dërgua në APP pa numër protokolli dhe pa u firmosur nga titullari i institucionit. E dyta ishte shuma totale që shteti shqiptar do të paguante në fund të 10 viteve koncesion, si dhe mënyra e pagesës, që sipas APP-së, në formularin e dërguar nga MSH deklarohej se pagesa për check-up do të kryhej në bazë të numrit të analizave që do të kryheshin. Dhe këtu ka një mospërputhje në lidhje me vlerën totale të kontratës së nënshkruar. Konkretisht, në formularin e dërguar me shkresën nr. 3082/23 Prot., datë 20.01.2015, në pikën 5 jepet vlera totale e kontratës 13.833.000.000 lekë. Ndërkohë, në formularin e dërguar me shkresën nr. 3082/27 Prot., datë 10.02.2015, në paragrafin IV.4 shkruhet shprehimisht se: “Vlera reale do të jetë në varësi të numrit të kontrolleve”. Gjashtë ditë më pas, Ministria e Shëndetësisë firmos edhe njëherë formularin e njoftimit të kontratës së nënshkruar dhe më datë 19.02.2015 ministri i atëhershëm, Ilir Beqaj, i delegon kompetencën vartëses së tij, Milva Ekonomi, që të firmosë formularin e fituesit të kontratës koncesionare. Në këtë shkresë, përveç firmës dhe vulës së Ministrisë së Shëndetësisë, deleguar te Milva Ekonomi, saktësohet në pikën IV.3 se: “Vlera totale e kontratës do të jetë 13.833.000.000 lekë”, apo rreth 138 milionë euro për dhjetë vjet. Ndërsa në pikën IV.4 saktësohet: “Vlera e sipërcituar është vlera e dhjetë viteve të marra së bashku për numrin maksimal të kontrolleve për grupmoshën 40-65 vjeç. Vlera reale e kontratës do të jetë më e ulët pasi ajo do të llogaritet në varësi të numrit të kontrolleve që do të kryhen çdo vit”. Do të mjaftonte vetë ky dokument, që minimalisht sot SPAK ta kishte marrë të pandehur zv.ministren e asaj kohe, Milva Ekonomi, e cila me dashje i ka shkaktuar disa milionë euro dëm buxhetit të shtetit, pasi me firmën e saj ka kryer pagesa në kundërshtim me kushtet e parashikuara në kontratë. Por skandalet nuk mbarojnë këtu. Në pikën 3 të kontratës përcaktohet se: Kjo ndodhi për një arsye. Vilma Nushi, sipas kontratës, 20 laboratorët do të duhej t’i ndërtonte në qendrat shëndetësore të Ministrisë së Shëndetësisë dhe, në përfundim të koncesionit, ky investim do t’i mbetej si aset shtetit shqiptar. Gjë që nuk ndodhi asnjëherë. Sipas kontratës që shihni në ekran, nënshkruar mes kompanisë së Vilma Nushit dhe kompanisë Intermedica të deputetit të PS-së, Vasil Llajo, çmimi për një check-up te Intermedica për Vilma Nushin do të kushtonte 740 lekë me TVSH. Pra, ndërkohë që shteti do t’i paguante Vilma Nushit 1844 lekë me TVSH për kryerjen e një pakete check-up, ajo e delegoi këtë shërbim te nënkontraktori për një çmim prej 740 lekësh me TVSH. Me vetëm këtë skemë, Vilma Nushi ka përfituar për çdo analizë rreth 11 euro. Gjithçka me firmën e hedhur nga ish-zv.ministrja Milva Ekonomi. Në një përballje me gazetarin Freard Rista, zonja Ekonomi mohoi të kishte lidhje me këtë formular kontrate, pavarësisht se emri dhe firma e saj janë të zeza mbi të bardhë. Kompania e Vilma Nushit, Marketing & Distribution, e cila ka në pronësi koncesionin e check-up nëpërmjet kompanisë 3P Life Logistic, rezulton gjithashtu se ka financuar edhe kompaninë “Victoria Construction”, e cila po ndërton kullën “Ekspozita Building”. Deri këtu do të ishte diçka normale, nëse pas kësaj kulle nuk do të qëndronte një emër si ai i Ervin Matës, i arrestuar së fundmi në Brazil me kërkesë të SPAK-ut për trafik droge. Konkretisht, në vitin 2018, kompania Marketing & Distribution kalon për llogari të shoqërisë “Victoria Construction” një shumë prej 1.1 milionë eurosh. Nga të dhënat e bilanceve të kompanisë “Victoria Construction”, nuk specifikohet arsyeja pse Vilma Nushi i ka dhënë një shumë të tillë monetare kompanisë. Derdhja e parave u bë vetëm një vit përpara se të firmosej leja e ndërtimit për kullën “Ekspozita Building”. Pra, në vitin 2018 Vilma Nushi paguan këstin e parë të parave për llogari të kompanisë së Luan Matës, ndërsa në vitin 2019, me firmë të Edi Ramës dhe Belinda Ballukut, u miratua edhe leja e zhvillimit. Kujtojmë se pikërisht në vitin 2018, kur Vilma Nushi ka deklaruar se ka futur për investim 1.1 miliardë lekë në kullën e Ervin Matës, ka marrë edhe dividendin e parë nga kompania e check-up, në vlerën e rreth 1.2 miliardë lekëve, përafërsisht sa shuma që futi te kulla e Ervin Matës. Edhe për këtë gjë, zonja Ekonomi u pyet nëse ndjen ndopak përgjegjësi morale që me firmat e saj pasuron privatin, i cili më pas këto lekë të fituara nga taksapaguesit shqiptarë i investon tek personazhe me rekorde kriminale, por nuk ktheu përgjigje, duke kyçur gojën dhe nxituar këmbët për të votuar. /Piranjat news
May 23, 2026