Ambasada e SHBA-ve në Tiranë ka reaguar pas arritjes së një dakordësia mes PS dhe “Rithemelimit” gjatë ditës së sotme, e cila i jep fund aksionit radikal opozitar në Parlament.
Përmes një postimi në rrjetet sociale, Ambasda e SHBA-ve thotë se institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda parlamentit.
“Ambasada e Shteteve të Bashkuara në Tiranë është e inkurajuar nga njoftimi për rikthimin e rendit normal në parlament. Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda parlamentit”, thuhet në njoftimin e Ambasadës.
