Berisha: U bëj thirrje socialistëve, të mos harrojnë se së pari janë shqiptarë. Ne nuk do ndalemi gjer në
Berisha i ka bërë thirrje anëtarëve dhe mbështetësve të Partisë Socialiste që, sipas tij, të mos harrojnë identitetin kombëtar përpara bindjeve politike.
Lideri i opozitës gjtë fjalës së tij tha se kryeministri Rama po mban qëndrime politike në procesin e integrimit europian, nga ku Shqipëria po ndjek një rrugë të paplotë integrimi, të cilën ai e cilësoi si të dëmshme për interesin kombëtar.
Sipas tij, vendi po shtyhet drejt një procesi integrimi të kufizuar vetëm në aspektin ekonomik dhe tregtar, pa të drejta të plota politike në Bashkimin Europian.
Berisha tha gjithashtu se këto zhvillime lidhen me ndikime nga jashtë rajonit dhe me çështje që prekin marrëdhëniet e Shqipërisë me Kosovën.
Deklarata e plotë:
Dhe tani së fundmi pasi ka dalë në mbarë Shqipërinë disa kohë më parë me pasaportën evropiane, tani i vjen urdhri nga Beogradi të firmosin bashkë letrën.
Dhe firmosin letrën e turpit ku thonë se ne nuk ka nevojë të anëtarësohemi plotësisht, ne duam një proces ku të kemi të drejta tregtare dhe lëvizje, kaq.
Por të tjera s’kemi nevojë, as votë nuk duam, as komisioner nuk duam. Pra nuk duam integrimin dinjitoz siç e ka statuti.
Dhe kjo pse?
Prisni. Pse? Sepse padronit të tij për ta fituar integrimin e plotë, i duhet të njohë Kosovën. Shiko çfarë janë këta? Ai nuk integrohet dot pa njohur Kosovën.
Është në ligj themelor të BE-së që nuk pranon vende që kanë sherr me fqinjët. Dhe tani do t’i bëjë shoqëri ky. Po ç’punë kemi ne?
Nuk kemi asnjë sherr me asnjë fqinj.
Dhe ky e bën veten, i jep krahun atij edhe unë po rri dhe unë me ju tani.
A ka interes, a ka njeri që mund të ketë shkelmuar në këtë mënyrë interesat e shqiptarëve si ky?
Unë u bëj thirrje socialistëve të Dibrës, mos harrojnë se para se të jenë socialistë, janë shqiptarë.
Mos harrojnë se të parët e tyre s’kanë qenë socialistë, kanë qenë atdhetarë. Dhe çdo shqiptari i bëj thirrje, të ndalet, t’i thotë vetes, njeriu i qytetëruar është patriot.
Njeriu i qytetëruar do vendin e tij, do kombin e tij, mbron interesat e vendit të tij, pavarësisht nga bindjet.
Çfarë bën ky?
Shkelmon kudo interesat shqiptare dhe tani në fund e thirri ai. Tani tha firmose pak këtë letrën. Dhe ky firmosi letrën. Që mos ta kërkoni, këto sepse ai sigurisht s’mund të bëjë një hap pa njohur Kosovën. Atëherë, çfarë do bëjmë ne?
Ne do protestojmë me të gjithë forcën tonë të pamposhtur gjer në fitoren tonë. Ne nuk tërhiqemi.
Ne nuk mposhtemi.
Ne e faktuam.
E faktuam që jemi të pamposhtur.
Dhe ky është kilometri i fundit.
Dhe këtë kilometër ne do ta bëjmë në, me forcën më të madhe, me dinjitetin më të madh. Faleminderit shumë.
