Berisha: U ktheva! Nuk kam qenë kurrë non-grata në SHBA, ka pasur vetëm një ndalim hyrje. Kam pasur komunikim zyrtar

Kryetari i Partisë Demokratike, Sali Berisha, ka bërë një deklaratë për mediat jashtë ambienteve të Kuvendit, ku është pyetur mbi statusin e tij të mëparshëm të ndalimit të hyrjes në Shtetet e Bashkuara të Amerikës dhe komunikimet e tij zyrtare.

Berisha u shpreh se nuk ka qenë “non-grata” në SHBA, por sipas tij ka pasur vetëm një ndalim hyrjeje. Ai theksoi gjithashtu se ka pasur komunikim zyrtar lidhur me çështjen.

I pyetur nëse ky vendim prek vetëm atë apo edhe familjarët e tij, Berisha përsëriti se sipas tij nuk ka pasur status “non-grata” dhe se bëhet fjalë për një masë ndalimi hyrjeje.

Në lidhje me njoftimet e mëparshme nga autoritetet amerikane, përfshirë deklaratat e Sekretarit të Shtetit Antony Blinken, Berisha u shpreh se situata ka qenë një ndalim hyrjeje për arsye të përmendura më herët.

Ai përfundoi deklaratën e tij duke theksuar: “Sot unë them u ktheva.”

FJALA E BERISHËS:

Çdo shqiptari unë i thashë në parlamentin e Shqipërisë, u ktheva.

Zoti Berisha a mund të na thoni me kë keni komunikuar?

Sali Berisha: Përderisa jam këtu, unë kam pasur komunikim zyrtar. E gjitha çfarë mund t’u them: unë u ktheva.

Është vetëm për ju apo për të gjithë familjarët tuaj?

Sali Berisha: Sali Berisha nuk ka qenë kurrë non-grata. Të jeni të sigurtë.

Ka qenë se kemi njoftimin e Blinkenit?

Sali Berisha: Nëse do tani, po të them, Sali Berisha nuk ka qenë kurrë non-grata. Ka pasur një sanksion, vizën.

Pra, nga sot ju mund të lëvizni i lirë?

Sali Berisha: Tani edhe njëherë, se ti nuk e ke gabim që pyet, sepse kundërshtarët e mi e quajtën non-grata dhe unë nuk është se e kundërshtova.

Ka qenë një sanksionim për ju dhe familjarët tuaj për minim demokracie dhe korrupsion.