Krahu i djathtë i Belinda Ballukut, rejtori i ARRSH-së, Evis Berberi, i cili u arrestua për pastrim parash e korrupsion me tendera, do ti komunikohet sot masa e sigurisë.
Gjithashtu do t’i komunikohet masa e sigurisë edhe dy biznesmenëve, Valter Begaj dhe Elvis Lami.
Evis Berberi e ka kontrolluar indirekt kompaninë “DAAM” edhe pasi e kishte shitur, duke përfituar qindra miliona lekë para publike nga tenderat e Agjencisë për Efiçencën e Energjisë dhe Autoriteti Rrugor Shqiptar, ku ai ka qenë titullar.
Evis Berberi akuzohet për veprat penale “Korrupsioni pasiv i personave që ushtrojnë funksione publike”, “Pastrimi i produkteve të veprës penale apo i veprimtarisë kriminale”, kryer në bashkëpunim.
Ndërsa Valter Begaj dhe Ervis Lami akuzohen për kryerjen e veprave penale “Korrupsioni aktiv i personave që ushtrojnë funksione publike”, kryer në bashkëpunim dhe “Pastrimi i produkteve të veprës penale apo i veprimtarisë kriminale”, kryer në bashkëpunim.
