Janë zbuluar detaje të reja nga vrasja e 19-vjeçarit, Grei Bihuci paraditen e së hënës në Fier.
Nga detajet e zbardhura behët me dije se Florian Muka ka vrarë gabimisht 19-vjeçarin ndërsa ka shtuar se nuk e njihte viktimën.
I ndjeri nuk ishte pjesë e konfliktit por kishte ndërhyrë për të ndarë Mukën dhe shokun e tij të cilët po debatonin.
Përveç konfliktit mes tyre mësohet se ka pasur edhe përplasje fizike gjë e cila ka bërë që Bihuci të ndërhyjë për të ulur tensionet mes të rinjve. Pas ndërhurjes së 19-vjeçarit Muka e ka goditur me thikë duke e plagosur rëndë ku më pas humbi jetën.
Autori i vrasjes gjithashtu ka deklaruar se konfliktin e kishte me shokun e viktimës dhe jo me atë.
Ndërkohë edhe policia konfirmon që 19-vjeçari është vrarë pa qene objektivi i një sulmi ndërsa shtojnë se të rinjtë janë takuar në qendër të Fierit krejt rastësisht.
