Shallkuqi dhe “dashnori” i drejtësisë!
Nga Boldnews.al
Në të njëjtën kohë, ditë, orë dhe event, koncepti i ligjit dhe pavarësia e gjyqësorit mblodhi në Tiranë edhe disa koka të një shoqate botërore të juristëve. Në Gjykatën e Lartë, u vendos porecedenti i parë pas vendimit unifikues për “vlerësimin e masave të sigurisë”.
Ajo që fitoi ishte një emër që vështirë se do të shqitet nga kujtesa sot dhe librat e historisë nesër: Mirlinda Karçanaj, drejtoresha më jetëgjatë e epokës Rama e cila edhe pse akuzohet për “organizatë kriminale”, “fshehje pasurie” dhe Korrupsion pasiv”, fitoi lirinë, nga arrest shtëpie në detyrim paraqitje.
Efekti Sadushi u ndje për Lindën e AKSHI-t. Në të njëtën ditë e madje orë, në sallën e Pallatit të Kongreseve kryeministri Edi Rama, tërësisht i çliruar, jepte “leksione demokracie” si një dashnor i drejtësisë së re, sesi sundimi i ligjit dhe pavarësia e gjyqësorit janë elementët e rëndësishëm të demokracisë dhe Shqipëria po e aplikonte me shumë sukses.
“Jam i vendosur se asnjëherë, së bashku me shumicën qeverisëse, të mos lejojmë të cënohet ajo çka është projektuar dhe të mos lejojmë të rrënohet ajo çka është ndërtuar, në paketën e një sistemi të ri dhe të pavarur drejtësie”, tha Rama në këtë kongres për drejtësinë të cilën ai e quajti botëror.
Brezi ynë përballet me një situatë më komplekse, ku duket se autokracitë tashmë po bëhen funksionale dhe emokracitë po lodhen. Njëri është aksesi tek e vërteta. Gjyqtarët po sulmohen kudo, edhe nevendet demokratike, dhe gjeja tjetër është polarizimi, ndonjëherë ne nuk po shohim kundërshtarë po shohim armiq”,- tha Javier Cremades, Presidenti i Shoqatës Botërore të Juristëve.
Fjala e presidentit e thënë në mes të Tiranës është tallja më e madhe që atyre personave, qofshin edhe këta ndërkombëtarë, të cilët minimalisht duhet të ishin informuar se çfarë qasje ka kryeministri me drejtësinë.
“Gjyqtarët po zulmohen kudo”-tha “ndërkombëtari i zgjuar” dhe këtë konstatim e bëri para kryeministrit që në vetë të parë, pa pasur asnjë hezitim i merr me emër e mbiemër gjyqtarë e prokurorë për t’i bërë “gjyqin politik” dhe ndërhyrë drejtëpërdrejtë në një sistem që vetëkënaqet kur e quan veten të pavarur.
Pavarësinë ta përplas në sy edhe shallkuqi që i bën temena simboleve komuniste sot hedh në qafë edhe veladonin e kryegjyqtarit të vendit dhe del me vendim unifikues për vlerësimin e “masave ekstreme të sigurisë”, duke mos marrë në konsideratë veprën që akuzohet, por personalitetin e tij, sjelljen në shoqëri dhe sa familjar ose jo është.
E para që përfitoi shpejt, për ti shtruar tapetin e kuq më tej edhe Veliajt, Beqajt dhe çdo zyrtari tjetër të lartë publik që edhe pse akuzohet për korrupsion në shifra frikshëm të larta do shijojnë lirinë me “unifikuesin shallkuq”!
