Rritja e prurjeve të Lumit Seman përmbytin fshatin Murriz- Kozare, rrezikohet dhe fshati Belinë e zonat përreth
Prurjet e lumit Seman janë rritur ndjeshëm, duke tejkaluar nivelet e regjistruara në muajin nëntor të vitit 2025. Banorët e fshatit Belinë shprehin frikë, pasi niveli i lumit ka arritur pika kritike dhe rreziku i daljes nga shtrati mbetet i lartë.
Edhe pse dy ditë më parë u ndërmorën përforcime të argjinaturës me inerte nga autoritetet e Bashkisë Patos, banorët thonë se niveli i lartë i ujit mund të përmbytë jo vetëm banesat e Belinës, por edhe ato të fshatrave Sheqishte dhe Verbas.
Sipas informacionit të autoriteteve lokale mëngjesin e sotëm. Lumi Seman ka dalë nga shtrati në fshatin Murriz, Njesia Adm Fiershegan, Bashkia Lushnje dhe ka prezencë uji në oborret e banesave.
Fshati Murriz- Kozare ndodhet nën pushtetin e ujërave të lumit Seman.Po kështu ka përmbytur me qindra ha toke bujqësore brenda argjinaturave në Roskovec-Patos dhe Fier.
Ngritja e nivelit të këtij lumi rrezikon shumë fshatra përgjatë argjinaturës. Më e vështirë situata në Imshtë ku uji është pothuaj në nivel me argjinaturën. Deri për momentin nuk ka rrezik çarje të argjinaturës,por nëse prurjet vazhdojnë, ujërat mund të kalojnë argjinaturën
