Gëzim Saliu
LSI propozon listën me 60% pjesë nga LRI-ja, kryeson Erisa Xhixho dhe Shezai Rrokaj
Pas publikimit të emrave dy ditë më parë nga Partia Socialiste, ishte Partia Demokratike ajo që bëri të ditur dje listën me 61 personat e përfshirë në propozimet e forcës më të madhe opozitare për Këshillin Bashkiak të Tiranës. Ajo që vihet re në listën e PD-së për “parlamentin” e Tiranës është se një pjesë e mirë e saj janë emra të koordinatorëve dhe krerëve të departamenteve të krijuar së fundmi në parti pas ristrukturimit të saj pas zhvillimit të zgjedhjeve të brendshme. Kështu, lista kryesohet nga koordinatorja Reila Bozdo, e cila së fundmi ka marrë rol kryesor edhe në fushatën e kandidatit të së djathtës për Bashkinë e Tiranës Halim Kosova. Pas saj janë në listë Njazi Kosovrasti dhe Zana Guxholli, por nuk mungojnë koordinatorët e tjerë, si Dritan Shano, Mateo Spaho apo Julian Deda. Ndërkohë, ashtu siç bënë edhe në zgjedhjet parlamentare të 23 qershorit 2013, demokratët kanë përfshirë në listat e tyre edhe emrat e aleatëve. I renditur në vendin e 22 është nënkryetari i republikanëve Alfred Deshati, në vendin e 24 është kryetari i Ballit Kombëtarë Adriatik Alimadhi dhe në vendin e 26, përfaqësuesi i Lidhjes Demokristiane Mëhill Geci. Ndërkaq, e renditur në vendin e 15 në listën e këshilltarëve është dhe Merita Poni, bashkëshortja e ish-kryetarit të grupit të këshilltarëve të djathtë Ferdinand Poni.
LSI-ja
Po ashtu ditën e djeshme u zbardh edhe lista e LSI-së ku rreth 60 për qind e saj u është rezervuar të rinjve të LRI-së. Lista kryesohet nga zëvendësministrja e Integrimit Erisa Xhixho, ku gjithashtu pjesë e saj është dhe zëvendësministrja e Ekonomisë dhe Turizmit Brunilda Paskali. Pjesë e listës së Lëvizjes Socialiste për Integrim është Shezai Rrokaj si edhe ish-drejtori i Postës Ardit Çela.
Lista e kandidatëve të PD
- Reila Bozdo
- Njazi Kosovrasti
- Zana Guxholli
- Fabian Topollaji
- Kreuza Leka
- Tahsim Mema
- Ariana Cela
- Leonard Olli
- Argyrina Jubani
- Mateo Spaho
- Enkelejda Sallaku
- Akil Kraja
- MirelaTabaku
- Kreshnik Collaku
- Merita Poni
- Besnik Aliaj
- Klodiana Shala
- Ardian Isufi
- Irena Progni
- Julian Deda
- Eni Kasmi
- Alfred Deshati
- Klodiana Cankja
- Adriatik Alimadhi
- Eneida Guria
- Mehill Geci
- Eriselda Prishta
- Murat Basha
- Estela Gostivari
- Dritan Shano
- Enerida Isufi
- Shkelqim Berisha
- Arta Sakja
- Gazmend Dibra
- Lediana Fratari
- Mirgen Lata
- Merlinda Hoco
- Adil Neziraj
- Adriana Gjonaj
- Safet Sula
- Albana Canollari
- Rudi Bobrati
- Blerta Zilja
- Besart Kadia
- Valbona Karapici
- Endrin Gjipali
- Irena Bendo
- Sulejman Mema
- Aida Reçi
- Bislim Ahmetaj
- Vilma Mileti
- Gent Minarolli
- Juela Mecani
- Alban Myftari
- Lealba Pelinku
- Altin Ndroqi
- Nertila Qafzezi
- Salih Tagani
- Suela Musta
- Kreshnik Hashorva
- Elisabeta Skrapari
Kundërshtitë ndaj qeverisë/ Rama “hakmerret” ndaj mjekut Kalo e të atit të Blushit, i heq nga lista e këshilltarëve bashkiakë
Partia Socialiste depozitoi dje në KQZ listën e kandidatëve për Këshillin Bashkiak të Tiranës, ku në listën e saj bie në sy disa emra që nuk do të jenë më pjesë e këshilltarëve bashkiakë të së majtës në rikonstituimin e “parlamentit” të Tiranës pas zgjedhjeve të 21 qershorit. Kështu kreu i qeverisë, duke se është “hakmarrë” ndaj deputetit rebel të PS-së, Ben Blushi, duke mos i rikandiduar në këshillin bashkiak të atin e tij, publicistin e njohur Kiço Blushi. Po kështu në listë mungojnë edhe Lorenc Vangjeli, Arbian Mazniku, Gerta Lubonja si edhe mjeku Tritan Kalo. Ky i fundit ishte një nga zërat më të fortë kundër testimit të mjekëve të propozuar nga Ministria e Shëndetësisë, me mbështetjen e ministrit Ilir Beqaj dhe Kryeministrit Edi Rama.
Ish-zv.ministri i Mbrojtjes/ Hila: Luan Bregasi qenka socialist si unë? Ma prishët 5 Majin
Ish-zv.ministri i Mbrojtjes, Dritan Hila, sulmoi dje Luan Bregasin, i cili u kandidua nga PS-ja për anëtar të Këshillit Bashkiak të Tiranës. Përmes një postimi në faqen e tij në “Facebook”, Hila u shpreh me ironi për kandidaturën e Bregasit. “Luan Bregasi është ne listën e anëtareve për Këshillin Bashkiak nen siglën e PS-së. E mbaj mend që ka qenë kryetar i Dhomës së Tregtisë, e më vonë krijoi një biçim shoqate a partie që quhet “Biznes Albania”. Por kjo nuk mjafton që ta mbaj mend. Më është fiksuar se ka ngritur dy pallate pa leje të rruga “Komuna e Parisit”. I ka ngulur në mes të rrugës, duke e ngushtuar më keq atë. Tani, ky tipi, do më përfaqësojë mua në Bashki! Ky tipi qenka socialist si unë! D.m.th. ky tipi do jetë gardian që mos prishet territori! Ma prishen 5 Majin”, – shkruante Hila.
