Bota
Sociale
Sport
Kulturë
Koment
Kosovë

Tao shkarkon kryebashkiakun e Brentit në Londër/ Çollaku: Tiranë-Londër, rrugë e gjatë, por rrena i ka këmbët e shkurtra

Tao shkarkon kryebashkiakun e Brentit në Londër/ Çollaku: Tiranë-Londër, rrugë e gjatë, por rrena i ka këmbët e shkurtra

Kandidati i Partisë Demokratike, gazetari Basir Çollaku, në një postim në rrjetin social Facebook ka përgënjeshtruar lajmin për takimin e Taulant Ballës me Kryebashkiakun e Brentit në Londër, ku theksoi se kryebashkiak është Tariq Dar dhe se zoti Butt është kryetar i këshillit bashkiak.

‘Kjo është njëlloj sikur Balla të deklaronte se u prit nga kryebashkiaku i Librazhdit, zoti Mitat Biçaku, ndërkohë që në këtë funksion është Maringlen Disha!’- ironizoi në postim gazetari

Kandidati i PD, gjithashtu i rikujtoj se në kohën që jetojmë, në kohën e informacionit global, një politikan, aq më tepër i profilit të lartë, gënjen guximshëm e hapur për cilësime dhe funksione zyrtare që verifikohen lehtësisht, ku dhe tërhoqi vëmendjen e disa mediave të cilët botojnë pa bërë si fillim një kontrroll lajmi për vërtetësinë e tij.

Postuar si fillim në faqet e tij të llogarisë facebook dhe rimarrë me shpejtësi nga disa media të pavarura, u shpërnda lajmi se Taulant Balla u prit nga Kryebashkiaku i Brentit, Londër, Mo Butt. (Për të qenë të saktë, quhet Mohamed dhe jo Mo). Për hir të së vërtetës Kryebashkiaku i Brentit, Londër nuk është fare, po hiç fare, Mo Butt, por një person krejt tjetër, zoti Tariq Dar. Zoti Butt është kryetar i këshillit bashkiak. Kjo është njëlloj sikur Balla të deklaronte se u prit nga kryebashkiaku i Librazhdit, zoti Mitat Biçaku, ndërkohë që në këtë funksion është Maringlen Disha! Nejse. Nga ana tjetër, nënvizojmë se Brent është një nga 32 njësitë bashkiake të Londrës…

Gjithësesi shpresojmë se takimi ka qenë i frytshëm për të dyja palët. Patjetër që zoti Butt duhet t’i ketë shpjeguar detajet e deklaratës së tij të konfliktit të interesave(Register of interests), ku ai deklaron ndër të tjera se me 26 shtator 2018 i është dhënë një drekë 17 paund nga Tottenham Hotspur, më 19 korrik 2022 një drekë 55 paund në Hutong Restaurant nga George Berkeley Group, me 6 shtator 2023 një buqetë lulesh 30 paund nga Interflora dhe dhurata e fundit, 25 janar 2025 , një kuti çokollatash nga Winston Churchill Lycee!

Në fakt Taulantit dhe sivëllezërve të tij këto vogëlsira mund t’u duken qesharake.

Por dy gjëra nuk janë për të qeshur:

Së pari, si mundet në kohën e informacionit global, një politikan, aq më tepër i profilit të lartë, gënjen guximshëm e hapur për cilësime dhe funksione zyrtare që verifikohen lehtësisht në web’s world?!

Së dyti, përse disa media botojnë gjëra pa bërë paraprakisht një fact-checking minimal kur mjafton një gugëllim i thjeshtë?!

Share it :

Lajmet e fundit
Koncesioni i check-up/ Milva Ekonomi i dha mln € Vilma Nushit, paratë u investuan te kulla e Pak ditë më parë, emisioni “Plug” në Syri TV bëri një përmbledhje me fakte dhe dokumente konkrete të abuzimeve që janë bërë nga shteti shqiptar me koncesionet e shëndetësisë, një prej tyre edhe koncesioni i check-up, një skemë e madhe abuzimi me taksat e qytetarëve shqiptarë. Për këtë koncesion u hap një garë ku morën pjesë disa kompani me eksperiencë në fushën e kryerjes së analizave mjekësore, por fituese u shpall 3P Life Logistic e Vilma Nushit. Do të hyjmë në detaje dhe do të kuptojmë se jemi përpara një gare fiktive me fitues të paracaktuar. Së pari, kjo kompani u themelua më 9 dhjetor 2014, ndërsa kontrata koncesionare u firmos dy ditë pa u mbushur muaji, më 7 janar 2015. Ndërkohë, gara për koncesionin e check-up u shpall që në shkurt 2014. Thënë ndryshe, 11 muaj përpara se të lidhej kontrata me kompaninë që Vilma Nushi themeloi një muaj përpara se të firmoste marrjen e koncesionit prej 138 milionë eurosh. Dhe çudia më e madhe qëndron te fakti se shpallja e fituesit zyrtarisht u bë më 6 tetor 2014, dy muaj përpara se të themelohej kompania që do të fitonte kontratën koncesionare. Pas firmosjes së kontratës koncesionare në fillim të muajit janar 2015 nga Ministria e Shëndetësisë dhe kompania 3P Life Logistic, Agjencia e Prokurimit Publik refuzoi publikimin e kësaj kontrate pasi konstatoi shkelje të rënda ligjore. E para, kontrata u dërgua në APP pa numër protokolli dhe pa u firmosur nga titullari i institucionit. E dyta ishte shuma totale që shteti shqiptar do të paguante në fund të 10 viteve koncesion, si dhe mënyra e pagesës, që sipas APP-së, në formularin e dërguar nga MSH deklarohej se pagesa për check-up do të kryhej në bazë të numrit të analizave që do të kryheshin. Dhe këtu ka një mospërputhje në lidhje me vlerën totale të kontratës së nënshkruar. Konkretisht, në formularin e dërguar me shkresën nr. 3082/23 Prot., datë 20.01.2015, në pikën 5 jepet vlera totale e kontratës 13.833.000.000 lekë. Ndërkohë, në formularin e dërguar me shkresën nr. 3082/27 Prot., datë 10.02.2015, në paragrafin IV.4 shkruhet shprehimisht se: “Vlera reale do të jetë në varësi të numrit të kontrolleve”. Gjashtë ditë më pas, Ministria e Shëndetësisë firmos edhe njëherë formularin e njoftimit të kontratës së nënshkruar dhe më datë 19.02.2015 ministri i atëhershëm, Ilir Beqaj, i delegon kompetencën vartëses së tij, Milva Ekonomi, që të firmosë formularin e fituesit të kontratës koncesionare. Në këtë shkresë, përveç firmës dhe vulës së Ministrisë së Shëndetësisë, deleguar te Milva Ekonomi, saktësohet në pikën IV.3 se: “Vlera totale e kontratës do të jetë 13.833.000.000 lekë”, apo rreth 138 milionë euro për dhjetë vjet. Ndërsa në pikën IV.4 saktësohet: “Vlera e sipërcituar është vlera e dhjetë viteve të marra së bashku për numrin maksimal të kontrolleve për grupmoshën 40-65 vjeç. Vlera reale e kontratës do të jetë më e ulët pasi ajo do të llogaritet në varësi të numrit të kontrolleve që do të kryhen çdo vit”. Do të mjaftonte vetë ky dokument, që minimalisht sot SPAK ta kishte marrë të pandehur zv.ministren e asaj kohe, Milva Ekonomi, e cila me dashje i ka shkaktuar disa milionë euro dëm buxhetit të shtetit, pasi me firmën e saj ka kryer pagesa në kundërshtim me kushtet e parashikuara në kontratë. Por skandalet nuk mbarojnë këtu. Në pikën 3 të kontratës përcaktohet se: Kjo ndodhi për një arsye. Vilma Nushi, sipas kontratës, 20 laboratorët do të duhej t’i ndërtonte në qendrat shëndetësore të Ministrisë së Shëndetësisë dhe, në përfundim të koncesionit, ky investim do t’i mbetej si aset shtetit shqiptar. Gjë që nuk ndodhi asnjëherë. Sipas kontratës që shihni në ekran, nënshkruar mes kompanisë së Vilma Nushit dhe kompanisë Intermedica të deputetit të PS-së, Vasil Llajo, çmimi për një check-up te Intermedica për Vilma Nushin do të kushtonte 740 lekë me TVSH. Pra, ndërkohë që shteti do t’i paguante Vilma Nushit 1844 lekë me TVSH për kryerjen e një pakete check-up, ajo e delegoi këtë shërbim te nënkontraktori për një çmim prej 740 lekësh me TVSH. Me vetëm këtë skemë, Vilma Nushi ka përfituar për çdo analizë rreth 11 euro. Gjithçka me firmën e hedhur nga ish-zv.ministrja Milva Ekonomi. Në një përballje me gazetarin Freard Rista, zonja Ekonomi mohoi të kishte lidhje me këtë formular kontrate, pavarësisht se emri dhe firma e saj janë të zeza mbi të bardhë. Kompania e Vilma Nushit, Marketing & Distribution, e cila ka në pronësi koncesionin e check-up nëpërmjet kompanisë 3P Life Logistic, rezulton gjithashtu se ka financuar edhe kompaninë “Victoria Construction”, e cila po ndërton kullën “Ekspozita Building”. Deri këtu do të ishte diçka normale, nëse pas kësaj kulle nuk do të qëndronte një emër si ai i Ervin Matës, i arrestuar së fundmi në Brazil me kërkesë të SPAK-ut për trafik droge. Konkretisht, në vitin 2018, kompania Marketing & Distribution kalon për llogari të shoqërisë “Victoria Construction” një shumë prej 1.1 milionë eurosh. Nga të dhënat e bilanceve të kompanisë “Victoria Construction”, nuk specifikohet arsyeja pse Vilma Nushi i ka dhënë një shumë të tillë monetare kompanisë. Derdhja e parave u bë vetëm një vit përpara se të firmosej leja e ndërtimit për kullën “Ekspozita Building”. Pra, në vitin 2018 Vilma Nushi paguan këstin e parë të parave për llogari të kompanisë së Luan Matës, ndërsa në vitin 2019, me firmë të Edi Ramës dhe Belinda Ballukut, u miratua edhe leja e zhvillimit. Kujtojmë se pikërisht në vitin 2018, kur Vilma Nushi ka deklaruar se ka futur për investim 1.1 miliardë lekë në kullën e Ervin Matës, ka marrë edhe dividendin e parë nga kompania e check-up, në vlerën e rreth 1.2 miliardë lekëve, përafërsisht sa shuma që futi te kulla e Ervin Matës. Edhe për këtë gjë, zonja Ekonomi u pyet nëse ndjen ndopak përgjegjësi morale që me firmat e saj pasuron privatin, i cili më pas këto lekë të fituara nga taksapaguesit shqiptarë i investon tek personazhe me rekorde kriminale, por nuk ktheu përgjigje, duke kyçur gojën dhe nxituar këmbët për të votuar. /Piranjat news
May 23, 2026