Bota
Sociale
Sport
Kulturë
Koment
Kosovë

Sot vendimi/ Faktet dhe provat e SPAK në Apelin e GJKKO-së për Veliajn

Sot vendimi/ Faktet dhe provat e SPAK në Apelin e GJKKO-së për Veliajn

Dy ditët e fundit janë zhvilluar seanca të gjata në Apelin e GJKKO për masën e sigurisë për Erion Veliajt. Seanca e parë ndaj Veliajt u mbajt të hënën e 11 Marsit, e cila zgjati rreth 7 orë, ku dhe u paraqitën prova dhe fakte të reja nga prokurorët kundër Erion Veliajt. Dhjetëra fashikuj, mijëra faqe, dokumente, mesazhe dhe përgjime dolën ditët e fundit që kanë treguar mënyrën se si Erion Veliaj dirigjon mediat, sulmet ndaj prokurorëve por edhe faktet dhe provat e korrupsionit ndaj kryebashkiakut. Seanca e dytë e zhvilluar ditën e djeshme nisi në orën 12:30 dhe përfundoi në orën 15:30, pra zgjati plot 3 orë. Gjyqtari vendosi që seanca të mbahet sot në orën 10:00 pritet të japë vendimin për kryebashkiakun e arrestuar Erion Veliajn. Mediat e pushtetit i shërbyen edhe këtë herë duke nxjerrë informacione nga seanca gjyqësore, akt i cili sipas ligjit nuk lejohet. Në fakt, ky do të jetë një nga rastet ku do të vendoset do të fitojë drejtësia dhe shteti apo do të fitojë sulmi ndaj mediave, censura, padrejtësia, shantazhi dhe kërcënimi. Pritet që nesër të ketë një vendim nga gjyqtari Engert Pëllumbi. Ka patur dhunë, shantazhime, dorëheqje, vendime paragjykime, sulme, intriga, të pavërteta ndërkohë që faktet dhe provat janë në dosje. Kemi njerëz që se lexojnë dosjen ose e lexojnë së prapthi, i fshehin të vërtetat, nuk i tregojnë, krijojnë inrtgia, por në finale vendimi i gjykatës do të jetë ai që do të vendosë për Erion Veliajn dhe bashkëshorten. Më poshtë do të gjeni linqet e dhjetëra lajmeve, vendimeve të gjykatës, dokumenteve dhe fakteve.

Seancat në Apelin e GJKKO/ Engert Pëllumbi vendos për çiftin Veliaj-Xoxa

Faktet dhe provat e SPAK në Apelin e GJKKO-së për Veliajn

Ditën e sotme do të zhvillohen seancat për Erion Veliajn dhe Ajola Xoxën në Apelin e Gjykatës së Posaçme. Në orën 09:00 do të jetë seanca për kërkesën e heqjes së sekustrove të llogarive bankare dhe telefonit të bëra nga Ajola Xoxa.

Ndërsa në orën 10:00 jepet vendimi për ankimimin e bërë nga kryebashkiaku Veliaj për zbutjen e masës së sigurisë. Ndryshim mase sigurie kanë kërkuar dhe biznesmenët Elman Abule, Gentjan Sula, Shkëlqim Fusha dhe Meriman Palushi.

Avokatët e Erion Veliajt ofruar garanci pasurore në këmbim të lirisë së klientit të dyja.

Gjyqtar i të dyja seancave është Engert Pëllumbi./ CNA

Share it :

Lajmet e fundit
Mato: Pastrimi i parave në ndërtim po lë të rinjtë pa strehë: Të monitoren transaksionet Në një kohë kur Tirana dhe zonat turistike të Shqipërisë përjetojnë një bum të jashtëzakonshëm ndërtimi, me kulla që ngrihen çdo ditë, një pyetje thelbësore po shqetëson gjithnjë e më shumë publikun: nga vijnë të gjitha këto para? Alarimin e ngriti Fanswa Mato, anëtar i departamentit “Brain Gain” në PD, i cili nga tryeza e diskutimit ‘Qeveria e Pasigurisë – dhe alternativa e opozitës’, denoncoi se pas fasadës së projekteve luksoze fshihet fenomeni i pastrimit të parave, duke e deformuar tregun dhe duke e bërë të pamundur për qytetarët e zakonshëm blerjen e një shtëpie. Mato, një profesionist me përvojë në menaxhimin e ndërtimit në Neë York, thekson paradoksin e hidhur të realitetit shqiptar: ndërsa miliona metra katrorë ndërtohen çdo vit, çmimet e apartamenteve kanë arritur nivele të papërballueshme për familjet mesatare. Fanswa Mato: Përvoja ime personale më ka dhënë mundësi të punoj në një mjedis ku standardet, transparenca dhe rezultatet konkrete janë thelbësore. Pikërisht kjo eksperiencë më motivon të kontribuoj me njohurinë dhe përvojën time për çështjet që lidhen me zhvillimin, mirëqenien dhe të ardhmen e Shqipërisë. Sot dua të flas për një nga problemet më serioze që po dëmton ekonominë shqiptare dhe po rëndon jetën e qytetarëve tanë: pastrimin e parave në sektorin e pasurive të paluajtshme dhe në ndërtim. Gjatë viteve të fundit kemi parë një bum të jashtëzakonshëm ndërtimesh, sidomos në Tiranë dhe në zonat turistike, ku kulla të reja ngrihen çdo ditë, projekte luksoze shtohen me ritme të shpejta dhe miliona metra katrorë ndërtohen çdo vit. Por pyetja që ushtrojnë shqiptarët është shumë e thjeshtë: nga vijnë të gjitha këto para? Sepse realiteti është ky: ndërsa ndërtohet gjithnjë e më shumë apartamente, qytetarët shqiptarë e kanë gjithnjë e më të vështirë të blejnë një shtëpi. Çmimet janë rritur në nivele të papërballueshme për familjet e zakonshme. Të rinjtë nuk arrijnë të sigurojnë një strehim, ndërsa shumë apartamente mbeten bosh dhe përdoren vetëm si instrumente financiare. Ky është paradoksi i Shqipërisë sot. Në njërën anë kemi një mbingopje me ndërtime, nga ana tjetër kemi mungesë strehimi për qytetarët. Kjo nuk është ekonomi normale tregu. Kjo është pasojë e deformimit të tregut nga paratë informale dhe nga mungesa e kontrollit shtetëror. Sipas të dhënave dhe analizave të institucioneve kombëtare dhe ndërkombëtare, Shqipëria ka pasur për vite me radhë probleme serioze në luftën kundër pastrimit të parave dhe organizata të rëndësishme ndërkombëtare kanë evidentuar dobësi në kontrollin financiar dhe në monitorimin e sektorit të ndërtimit. Gjatë analizës së këtij fenomeni, janë përdorur të dhëna nga institucione si Banka e Shqipërisë, INSTAT, Agjencia e Inteligjencës Financiare dhe FATF. Janë zhvilluar gjithashtu biseda me profesionistë të tregut, agjentë imobiliar, noterë dhe ekspertë financiarë. Të gjitha këto tregojnë se ekziston një shqetësim real për mënyrën se si fondet e dyshimta depërtojnë në ekonominë shqiptare. Mekanizmat janë të ndryshme. Në shumë raste përdoren kompani me burime financiare të paqarta, përdoren pagesa të mëdha kesh, transferta të dyshimta dhe forma të tjera që e bëjnë të vështirë gjurmimin e origjinës së parave. Në disa raste kemi dhe kompani që nuk justifikojnë nivelin e investimeve që realizojnë. Dhe kush e paguan koston e kësaj situate? E paguajnë qytetarët shqiptarë, e paguajnë familjet e reja, e paguajnë bizneset e ndershme, e paguan ekonomia e vendit. Sepse kur paratë e paligjshme futen në treg, konkurrenca bëhet e padrejtë. Çmimet rriten artificialisht, korrupsioni forcohet, besimi tek shteti dobësohet dhe në fund humb qytetari i zakonshëm që punon me ndershmëri. Si opozitë, ne kemi detyrimin moral dhe politik të ngremë zërin për këtë problem. Shqipëria nuk mund të ndërtojë të ardhmen mbi ekonomi informale dhe mbi mungesë transparence. Ne kemi nevojë për institucione të forta, për kontroll real financiar dhe për shtet ligjor funksional. Ne kërkojmë rritje të transparencës në transaksionet e pasurive të paluajtshme, kufizim të pagesave kesh në sektorin e ndërtimit, kontroll më të fortë mbi burimin e fondeve, monitorim më rigoroz të kompanive të ndërtimit, bashkëpunim më të madh mes institucioneve financiare dhe organeve ligjzbatuese. Ky nuk është thjesht një debat politik. Ky është një debat që prek ekonominë e vendit, të ardhmen e të rinjve dhe mundësinë që qytetarët shqiptarë të jetojnë me dinjitet në vendin e tyre.
May 15, 2026