Bota
Sociale
Sport
Kulturë
Koment
Kosovë

Po na vrasin!

Po na vrasin!

Konsumatori shqiptar ndodhet në “mëshirë të fatit”. Pas skandalit të mishit të pulës me salmonelë, gazetari Osman Stafa ka shpërthyer ndaj AKU-së i cili sipas tij, është kthyer në një institucion gjobvënës.

Stafa ngre alarmin se konsumatori shqiptar po helmohet çdo ditë, ndërsa askush nuk mban përgjegjësi për skandalet që dalin çdo ditë kurse ministrja e Bujqësisë Anila Denaj vazhdon qëndron në heshtje.

Reagimi i plotë nga gazetari Osman Stafa

PO NA VRASIN!!!

Kur do e kuptojmë?

18 ton mish pule, e kontaminuar me salmonelë.

Pak kohë më parë ishin 10 ton manderina me pesticide, të cilat pasi i ktheu Kroacia, i shitën në tregun shqiptar.

4.516 kg fileto derri po ashtu me salmonelë. (lajm publikuar pak kohë më parë)

Acuge (peshk) me parazitë. (lajm publikuar pak kohë më parë)

E sa lajme të tilla prej vitesh…

️Shoqëroje me produkte të tjera, si djathi i bërë me niseshte. Qumshti pluhur.

Domatet, kastravecat, specat me pesticide.

️Shtoji ajërin e ndotur, grimcat PM 2.5 të cilat prodhohen nga makinat, plus ndërtimet.

e gjitha kjo me çfarë e barabartë?

Dhe themi pastaj pse rritet numri i personave që vuajnë nga kanceri, e sëmundje të tjera të rënda që shkaktohen nga ushqimet, nga ajëri.

️Është çmenduri kjo që po ndodh. AKU është një institucion me zero besueshmëri, i korruptuar dhe që duhet të zhbëhet, për të krijuar një autoritet ndryshe, në të cilin të kemi siguri dhe besim.

AKU është kthyer në institucion gjobvënës, inspektorë kriminëlë, që për ca gjoba që vënë, marrin më qafë fëmijë, gra, burra, gjyshër.
AKU pse duhet ta lejoj një produkt të hyjë në treg pa analiza? Cfarë kuptimi ka, që ne marrin analizat, produkti hynë në treg, konsumatorët e hanë dhe pastaj thonë, se paska qënë i kontaminuar.

️Ministrja e Bujqësisë Anila Denaj, pse nuk del të sqaroj të vërtetën e këtij skandali. Nëse nuk del për këto raste, për çfarë do dalë tjetër?

Kush mban përgjegjësi për ushqimet e kontaminuara që hanë shqiptarët? Moralisht Ministrja e Bujqësisë, Anila Denaj, dje duhet të kishte dhënë dorëheqjen. Por paligjshmëria, skandali, këtu është bërë normalitet.

Share it :

Lajmet e fundit
Mato: Pastrimi i parave në ndërtim po lë të rinjtë pa strehë: Të monitoren transaksionet Në një kohë kur Tirana dhe zonat turistike të Shqipërisë përjetojnë një bum të jashtëzakonshëm ndërtimi, me kulla që ngrihen çdo ditë, një pyetje thelbësore po shqetëson gjithnjë e më shumë publikun: nga vijnë të gjitha këto para? Alarimin e ngriti Fanswa Mato, anëtar i departamentit “Brain Gain” në PD, i cili nga tryeza e diskutimit ‘Qeveria e Pasigurisë – dhe alternativa e opozitës’, denoncoi se pas fasadës së projekteve luksoze fshihet fenomeni i pastrimit të parave, duke e deformuar tregun dhe duke e bërë të pamundur për qytetarët e zakonshëm blerjen e një shtëpie. Mato, një profesionist me përvojë në menaxhimin e ndërtimit në Neë York, thekson paradoksin e hidhur të realitetit shqiptar: ndërsa miliona metra katrorë ndërtohen çdo vit, çmimet e apartamenteve kanë arritur nivele të papërballueshme për familjet mesatare. Fanswa Mato: Përvoja ime personale më ka dhënë mundësi të punoj në një mjedis ku standardet, transparenca dhe rezultatet konkrete janë thelbësore. Pikërisht kjo eksperiencë më motivon të kontribuoj me njohurinë dhe përvojën time për çështjet që lidhen me zhvillimin, mirëqenien dhe të ardhmen e Shqipërisë. Sot dua të flas për një nga problemet më serioze që po dëmton ekonominë shqiptare dhe po rëndon jetën e qytetarëve tanë: pastrimin e parave në sektorin e pasurive të paluajtshme dhe në ndërtim. Gjatë viteve të fundit kemi parë një bum të jashtëzakonshëm ndërtimesh, sidomos në Tiranë dhe në zonat turistike, ku kulla të reja ngrihen çdo ditë, projekte luksoze shtohen me ritme të shpejta dhe miliona metra katrorë ndërtohen çdo vit. Por pyetja që ushtrojnë shqiptarët është shumë e thjeshtë: nga vijnë të gjitha këto para? Sepse realiteti është ky: ndërsa ndërtohet gjithnjë e më shumë apartamente, qytetarët shqiptarë e kanë gjithnjë e më të vështirë të blejnë një shtëpi. Çmimet janë rritur në nivele të papërballueshme për familjet e zakonshme. Të rinjtë nuk arrijnë të sigurojnë një strehim, ndërsa shumë apartamente mbeten bosh dhe përdoren vetëm si instrumente financiare. Ky është paradoksi i Shqipërisë sot. Në njërën anë kemi një mbingopje me ndërtime, nga ana tjetër kemi mungesë strehimi për qytetarët. Kjo nuk është ekonomi normale tregu. Kjo është pasojë e deformimit të tregut nga paratë informale dhe nga mungesa e kontrollit shtetëror. Sipas të dhënave dhe analizave të institucioneve kombëtare dhe ndërkombëtare, Shqipëria ka pasur për vite me radhë probleme serioze në luftën kundër pastrimit të parave dhe organizata të rëndësishme ndërkombëtare kanë evidentuar dobësi në kontrollin financiar dhe në monitorimin e sektorit të ndërtimit. Gjatë analizës së këtij fenomeni, janë përdorur të dhëna nga institucione si Banka e Shqipërisë, INSTAT, Agjencia e Inteligjencës Financiare dhe FATF. Janë zhvilluar gjithashtu biseda me profesionistë të tregut, agjentë imobiliar, noterë dhe ekspertë financiarë. Të gjitha këto tregojnë se ekziston një shqetësim real për mënyrën se si fondet e dyshimta depërtojnë në ekonominë shqiptare. Mekanizmat janë të ndryshme. Në shumë raste përdoren kompani me burime financiare të paqarta, përdoren pagesa të mëdha kesh, transferta të dyshimta dhe forma të tjera që e bëjnë të vështirë gjurmimin e origjinës së parave. Në disa raste kemi dhe kompani që nuk justifikojnë nivelin e investimeve që realizojnë. Dhe kush e paguan koston e kësaj situate? E paguajnë qytetarët shqiptarë, e paguajnë familjet e reja, e paguajnë bizneset e ndershme, e paguan ekonomia e vendit. Sepse kur paratë e paligjshme futen në treg, konkurrenca bëhet e padrejtë. Çmimet rriten artificialisht, korrupsioni forcohet, besimi tek shteti dobësohet dhe në fund humb qytetari i zakonshëm që punon me ndershmëri. Si opozitë, ne kemi detyrimin moral dhe politik të ngremë zërin për këtë problem. Shqipëria nuk mund të ndërtojë të ardhmen mbi ekonomi informale dhe mbi mungesë transparence. Ne kemi nevojë për institucione të forta, për kontroll real financiar dhe për shtet ligjor funksional. Ne kërkojmë rritje të transparencës në transaksionet e pasurive të paluajtshme, kufizim të pagesave kesh në sektorin e ndërtimit, kontroll më të fortë mbi burimin e fondeve, monitorim më rigoroz të kompanive të ndërtimit, bashkëpunim më të madh mes institucioneve financiare dhe organeve ligjzbatuese. Ky nuk është thjesht një debat politik. Ky është një debat që prek ekonominë e vendit, të ardhmen e të rinjve dhe mundësinë që qytetarët shqiptarë të jetojnë me dinjitet në vendin e tyre.
May 15, 2026