Atalanta e ka mposhtur Milanin në “San Siro” të shtunën mbrëma, duke ia shkaktuar humbjen e dytë më radhë në Serie A dhe thelluar edhe më shumë në krizë.
Milan e priti Atalantan në shtëpi dhe u mposht lehtësisht me rezultat 0-2 në kuadër të javës së 18-të të kampionatit italian.
Atalanta ngjitet në pozitën e shtatë me 27 pikë pas kësaj fitoreje që e arriti falë golave të Cristante në minutën e 32-të dhe të Ilicicit në minutën e 71-të.
Vendasit patën vetëm katër goditje në portën e portierit të Kombetares shqiptare, Etrit Berishës, dhe 22 jashtë saj, por nuk arritën asnjëherë ta mposhtnin gardianin e Atalantas.
Kjo humbje e zbret Milanin në pozitën e 11 në renditjen tabelore të Serie A, me 24 pikë.
