378 pasagjerët e avionit “Airbus 380” të ‘Malaysia Airlines’, i nisur nga Londra në Kuala Lumpur kanë përjetuar momente ankthi, për shkak të turbulencave të forta ajrore. Gjatë udhëtimit mbi Gjirin e Bengalas, avioni ka hasur në turbulenca të forta dhe për pasojë disa pasagjerë janë dëmtuar lehtë. “Për shkak të një turbulence të fortë ajrore, pasagjerët kanë pësuar disa lëndime. Një numër i vogël pasagjerësh dhe anëtarë të ekuipazhit janë kuruar nga mjekët pas mbërritjes në Kuala Lumpur”, – lexohet në një komunikatë të kompanisë “Malaysia Airlines”.
