Një punonjës i Policisë Kufitare në Portin e Durrësit ka përfunduar në pranga e policisë.
Agjencia e Mbikëqyrjes Policore në bashkëpunim me Prokurorinë e Juridiksionit të Përgjithshëm Durrës ka prangosur efektivin nën akuzën e “Shpërdorimit të detyrës”.
Nga hetimet ka rezultuar se inspektori B. XH., 37 vjeç, me detyrë Kontrollor në Stacionin e Policisë së portit të Durrësit, ka bërë kontrolle fiktive të një mjeti që kishte dy pistoleta brenda, ndërsa dy armët më pas janë kapur në Bari.
Skaneri në portin e Durrësit ka dhënë dyshime për praninë e sendeve të paligjshme, ndërsa efektivi e ka anashkaluar.
Nga hetimet e kryera nga Agjencia e Mbikëqyrjes Policore, u dokumentua me prova se ky punonjës policie ka shmangur në mënyrë të qëllimshme kontrollin e mjetit tip “Bizarke” me drejtues shtetasin E. U., 45 vjeç, i cili ka udhëtuar me linjën Durres-Bari dhe sapo ka zbritur në Bari, gjatë kontrollit i janë gjetur 2 armë zjarri të tipit pistoletë.
