Policia e Torinos në Itali finalizoi operacionin e koduar ‘One Million’, në kuadër të të cilit u arrestuan 3 persona, mes të cilëve edhe një shtetas shqiptar. Sipas mediave të shtetit fqinj, në pranga kanë rënë një 32-vjeçar shqiptar dhe 2 shtetas italiane, 32 dhe 33 vjeç, identiteti i të cilëve nuk bëhet i ditur. Të arrestuarve iu sekuestruan 1 milion euro, 27 kg lëndë narkotike, (kokainë, heroinë e marijuanë,” një makinë për numërimin e parave, 2 autovetura, 30 telefona celularë si dhe peshore të precizonit të lartë. Dyshohet se droga ishte importuar nga Peruja dhe nga hetimet paraprake rezulton se 1 milion eurot e sekuestruara ishin fitimi neto i një muaji.
