Ish-sekretarja e Ballukut merret në pyetje nga SPAK
Ish-sekretarja e përgjithshme e Ministrisë së Infrastrukturës dhe Energjisë, Viola Haxhiademi, u paraqit këtë të enjte në ambientet e SPAK.
Sipas burimeve, ajo u mor në pyetje nga Prokurorët e Posaçëm dhe më pas u largua nga institucioni, pas përfundimit të seancës.
Haxhiademi është thirrur edhe më herët në SPAK, në kuadër të hetimeve për dosjen “Balluku”.
Në qendër të kësaj çështjeje është ish-zëvendëskryeministrja Belinda Balluku, e dyshuar për abuzime me tenderat.
Balluku akuzohet për paracaktim të fituesve në tenderin e ndërtimit të Tunelit të Llogarasë, si edhe për shkelje në procedurat e lidhura me dosjen e Unazës së Madhe.
Më 31 tetor, SPAK e mori zyrtarisht të pandehur.
