Pas vështirësive jo të pakta që kaloi kryeministri Aleksis Cipras për t’u votëbesuar në Parlament, mbas riformatimit të kabinetit të tij të ri, anëtarët e rinj të qeverisë greke bënë betimin para Presidentit të vendit, Prokopis Pavlopulos.
Tre nga anëtarët e qeverisë, zëvendësministri i Financave, Trifon Aleksiadhis, zëvendësministri i Punëve të Brendshme, Janis Amanatidis dhe zëvendësministri i Punës, Sigurimit Social dhe Solidaritetit Social, Pavlos Haikalis bënë betim mbi Bibël.
Ndërkohë, ministri i Ristrukturimit të Industrisë, Mjedisit Jetësor dhe Energjetikës, Panajotis Skurletis, ministri i Punës, Sigurimit Social dhe Solidaritetit Social, Jorgos Katrungalos, zëvendësministri i Punëve të Brendshme dhe Ristrukturimit Administrativ, Hristoforos Vernardhaqis, zëvendësministri i Mbrojtjes, Dhimitris Vicas, zëdhënësja e qeverisë, Olga Jerovasili dhe zëvendësministri i Mjedisit Jetësor dhe Energjetikës Pavlos Polakis bënë betim civil.
