Gjykata Kushtetuese ka dhënë këtë të hënë vendimin për mandatin e deputetes për ministren e Jashtme, Olta Xhaçka.
Ajo ka pranuar kërkesën e deputetëve të PD-së që përfaqësohen nga Enkelejd Alibeaj ku Kuvendi duhet të dërgojë çështjen në Gjykatën Kushtetuese.
Ndërkohë, kërkesa tjetër e grupimit të Sali Berishës është pushuar.
Në nëntorin e kaluar, grupimi Berisha dhe ai i Alibeajt depozituan në Gjykatën Kushtetuese dy padi të ndryshme, ndonëse kërkesat ishin të njëjta.
Deputetët e PD-së kundërshtonin vendimin e Kuvendit që refuzoi heqjen e mandatit parlamentar të Olta Xhaçkës, për papajtueshmëri, sipas tyre, me Kushtetutën.
