Ministri i Administratës në Malin e Zi, Marash Dukaj, ka folur sërish lidhur me ngjarjen që u regjistrua dy ditë më parë, ku 3 shqiptarë u dhunuan barbarisht nga 8 shtetas serbë.
I ftuar në “Ora News”, Dukaj bëri me dije se janë arrestuar 5 nga 8 agresorët e sulmit.
“Presim që në orët në vijim të kemi dhe arrestimin e tre personave të tjerë që shkaktuan këtë sulm barbar ndaj tre shqiptarëve.
Motivet e sulmit natyrisht që kishin ngjyrime nacionaliste”, u shpreh ndër të tjera ministri i Administratës.
