Detaje të tjera zbulohen nga krimi në familje i ndodhur ditën e sotme në Valias të Tiranës. Autori është Afrim Kallari. Ky i fundit vrau sot me armë gjahu vëllanë e tij dhe plagosi lehtë nënën. Viktima është Ermir Kallari, një vit më i vogël se autori, që është 36 vjeç. Sipas burimeve, Afrim Kallari prej vitesh punon në njësinë zjarrfikëse në kryeqytet, përkatësisht në zonën e “Kombinatit”. Dyshohet se Kallari ka patur konflikte pronësie me vëllanë, të cilin e qëlloi me armë zjarri. Pas vrasjes, ai është vetëdorëzuar në Polici dhe ka pranuar krimin.
