Ndërkohë që DEA është stacionuar edhe në Shqipëri, kur për të gjithë ekspertët padyshim ky është një tregues se Shqipëria është futur në një vend me rrezik për sa i përket trafikimit të drogës dhe korrupsionit, ministri Ulsi Manja vjen me deklaratën e tij ku thot se kjo mund të jetë një shenjë besimi ndaj institucioneve shqiptare. Si mund të jetë e tillë kur DEA hap një pikë sinjalizimi për luftën kundër drogës, korrupsionit dhe shkeljeve të tjera.
Deklarata:
“E konsideroj si shenjë besimi të fortë. Bashkëpunimi i deritanishëm i agjencive shqiptare me DEA-n është shenjë e fortë e bashkëpunimit me institucionet tona.
Që në ditën e krijimit të SPAK, bashkëpunimi mes prokurorisë, dhe policisë së shtetit me partnerët amerikanë ka qenë korrekt. Tregon se besimi i këtyre strukturave te ne vjen në rritje”, deklaroi Manja.
“Ka një vullnet serioz të agjencive ligjzbatuese dhe qeverisë shqiptare për të goditur fort korrupsionin dhe krimin e organizuar”, u shpreh ai.
