Izolimi tanimë nuk ka kuptim. Kështu shprehet ish deputeti i PD, Ervin Salianji, i cili përmes një reagimi në Facebook shprehet se, çdo ditë lëvizin lirshëm militantë të Rilindjes.
Sipas tij, Rama nuk u kujdes për interesat e qytetarëve dhe të Shqipërisë.
“Rama u kujdes për oligarkët, madje e shfrytëzoi pandeminë për të vjedhur me tendera sekretë, e shfrytëzoi pandeminë për të bërë hapje selektive dhe ndihmë selektive ndaj biznesit”, shkruan ndër të tjera Salianji.
Reagimi i plotë:
Çdo ditë Tirana është plot, në çdo orë të ditës nëpër qytete levizin lirshëm gjithë militantet e rilindjes, banditët dhe çdokush që ësht? i detyruar të sigurojë jetesën e përditshmë, ndërkohë që masat e qeverise u ashpërsuan me denimin me burg te sanksionuar në Kodin Penal si një instrument kërcënimi i Ramës!
Izolimi tanimë s’ka kuptim!
Gjendja e fatkeqësisë natyrore nuk mund të përdoret vetëm për sanksione ndërkohë që duhej përdorur për dëmshperblimin e biznesit, familjeve dhe qytetarëve për pasojat që shkaktoi mbyllja si pasojë e pandemisë!
Edi Rama nuk u kujdes për interesat e qytetarëve dhe të Shqipërisë.
Rama u kujdes për oligarkët, madje e shfrytëzoi pandeminë për të vjedhur me tendera sekretë, e shfrytëzoi pandeminë për të bërë hapje selektive dhe ndihmë selektive ndaj biznesit.
Goditi biznesin e madh e të ndershem për t’i krijuar mundësi të arta oligarkëve, që të shfrytezojnë tregun nga falimenti i bizneseve te mbyllura.
Rama u tall me familjet e varfra duke ju thënë që uria ësht? sakrificë lufte!!!
Largimi i Ramës ësht? i vetmi shpëtim për jetën, ekonominë dhe të ardhmen e Shqipërisë!
