Bota
Sociale
Sport
Kulturë
Koment
Kosovë

STANDARD

Analizë
Aktualitet
Shqipëria 2026, sipas Fishtës

Shqipëria 2026, sipas Fishtës Nga Lutfi Dervishi Në Tiranë, Durrës, Shkodër e gjithandej, koha duket se ka ngrirë në një përkohshmëri të përhershme. Njëlloj si

January 23, 2026 No Comments
Aktualitet
Kronikë e shkurtuar e antishtetit

Kronikë e shkurtuar e antishtetit Nga Luçiano BOÇI Një E DËNUAR nga drejtësia e një shteti evropian mban “hanxharin” e drejtësisë së shtetit në Shqipëri!!!?

January 20, 2026 No Comments
Aktualitet
Rama mes marrëzisë dhe Mogherinit

Rama mes marrëzisë dhe Mogherinit Nga Luciano Boci Kreu i Këshillit Kombëtar për Shkencën dhe Kërkimin Shkencor, Edi Rama, i cili ka përlarë në 13

January 15, 2026 No Comments
Aktualitet
Gazetari’ Rama akuzon ‘kryeministrat’ gazetarë Nga Basir Collaku Kosherja ka gjithnjë telashe, kur bletët ikin, sepse kthehet në një kafaz dërrasash, pa dobi as për zjarrin në qoshen e braktisur të livadhit ku bari ka marrë arratinë me kohë. Gjendur në një rrethim dosjesh me akuza organizata kriminale, me banda kokaine, me një izolim ndërkombëtar në rritje, si asnjëherë tjetër, pa një rrugëdalje veç përballjes së shpejtë me ndjekjen penale, Rama ka nisur të sulmojë mediet, duke tentuar eksportin e hallit jashtë vetes, siç shpesh stërmundohet jo pa sukses. Natyrisht bataret e tij të çakorduara bien jo mbi ata të “mirët” e qumështit të oborrit të tij, por ata rezistuesit e të vërtetës. Në një kaos nervor, kryeministri duke mbledhur varëse qafe nga Lindja e Mesme, kujdeset për lotët e Allahut, e mësyn fajtorët e Tiranës. Këtë herë e ka kap zekthi me kolegen Lala, pasi ajo si shpesh herë i ka thënë çfarë mjaft të tjerë si shumë përtues e heshtin. Rama ka të drejtë. Gazetarët e kanë gabim. Sigurisht jo ata parelinjtë e parive të ndryshkura, ekranet oborrtarë qeverie më rrënjë nëpër dosje penale. Gazetarët janë fajtorë për: Dhënien e bonusit kompanisë fantazmë e cila nuk ekzistonte. Ata ia kanë marrë fshehurazi firmën kryeministrit, teksa ai bardhësisht sakrifikonte përqendrimin dhe e kanë hedhur në kartë zyrtare. Kanë faj sepse në një ditë për të ndërtuar këtë djegës të parave publike, gazetarët pa dijeninë e kryeministrit ia dolën të marrin 17 vendime qeverie në një ditë. Kanë faj sepse vajtën e gjetën një ish-deputet turk, e një kompani nga porta e Lartë i dhanë më zor tunelin e Llogarasë, ku këputën afro 100 milionë euro, bereqet pa prekur kurrfarë gjëje me dorë. Sepse tunel e ura në xhep e kosto në hava, letrat në dosje tinëzisht i futën gazetarët. Ashtu të çmendur gazetarët sollën nga Bangladeshi, anijet tigër 1 e tigër 2 në Vlorë, duke marrë nga buxheti 100 mijë euro në ditë, pa prodhuar kokërr kilovati, e Balluku me Ramën thjesht ndenjën urtë e nuk bëzajtën asnjë llaf. Keqbërësit gazetarë hodhën 260 milionë euro në rrugën Qukës-Qafë-Plloçë dhe u çuan natën ta shembin për të fajësuar Ballukun dhe Ramën. Nga inati gazetarët thirrën Charles McGonigal i dhanë 225 mijë euro, informacione sikur ishin nga zyra e kryeministrit dhe Rama, gjetën letra fshehurazi me firmë të tij e u dhanë oligarkëve të sanksionuar rusë tendera e koncensione në energji e naftë, por nga mllefi i tyre, u bë personazh i hetuar i dosjes së korruptimit të drejtorit të FBI, ku prej katër vitesh gjendet i kallëzuar edhe në SPAK, në pritje të thirrjes për dëshmi. Po gazetarët, në sekret të plotë qëndisën lejet e kazinove për Luftar Hysën, me porosi të kartelit Sinaloa e Rama ra dakord, vetëm për njerzillëk. Të pandreqshmit gazetarë sajuan dosjen e AKSHI një tjetër organizatë kriminale, ku Gysi, Rama dhe Balluku, për hatër të tyre hodhën ca qindra milionë euro, e kurdisën zyrën në bllok, një kuplara me klientelë të pafundme, si qeveri me qera në duart e Mafias. Aq bezdisës u bënë gazetarët, sa miliardat e kokainës nga Amerika Latine e Evropa, i pastruan në Shqipëri me investime strategjike e resorte në bregdet e paketa malesh, pasi kishin organizuar samitin e kokainës në Aruba në vitin 2019. Edhe Olsin në bandën e Xibrakës, gazetarët e gënjyen të përfshihej e të gjezdiste me makina te tyre. Edhe Eco Parkun në Durrës, me duar familjare, se çfarë iu desh gazetarëve ta ndërtonin. Si të pangopur, vajtën e bënë Aeroportin e Vlorës, ia hynë me zell Porto Romanos, Portit të Durrësit, duke lënë shtigje për shërbëtorët e Putinit, e lindjes. Madje edhe atje ku pllaquritet në Dubai të sulltanati i Emirateve, ku ndau mendjen të bëjë ca para duke shitur energji me vëllezërit emiratas, edhe atje ku çunat e mezipresin. Prapë u shpifën gazetarët dhe nuk e lënë të nënshkruajë një marrëveshje dypalëshe ekstradimi. Të lënë gazetarët të firmosësh. Mezallah jo. Madje edhe Sorosin gazetarët e detyruan ta bënte vëlla, të shqyente Ballkanin, të lektonte në dasmën e tij Si gjithnjë edhe SPAK-un gazetarët ia kanë vënë në shpinë, duke marrë thuajse gjithë qeverinë të pandehur për plaçkitje parash publike, ministra të arrestuar, deputetë e bashkiakë, e së fundmi vetë është në radhë. Po, ishin gazetarët ndërtues të kampit të refugjatëve në Lezhë, e shëtitës duke lypur emigrantë nëpër botë, për të qëndruar nga inati kryeministri në detyrë. Gazetarët u bënë ziliqarë aq sa Bechetti mori 150 milionë euro në Arbitrazh për një çakordim të mbiqafës në sektorin mendor, të pushtetarëve kryeministrorë e bashkiakë Gazetarë kaq maskarenj po telendisin një kryeministër kaq naiv, kaq të pafajshëm, kaq të pakorruptuar, kaq verëdashës, kaq antidrogë, kaq kantimafia, kaq ndërtues narkoshteti, kaq sevdalli drejtësie, sa edhe Administrata Trump ka vënë prioritet luftën e karteleve terroriste të drogës në hartën ku përfshihet edhe Shqipëria. E të tjera e të tjera mëkate gazetarësh, sa nuk ka kishë e xhami që çliron kryeministrin. E së fundmi Poshte gazetarët e pablerë! Rroftë Kokëministri që nuk di ku ka kokën…!

Gazetari’ Rama akuzon ‘kryeministrat’ gazetarë Nga Basir Collaku Kosherja ka gjithnjë telashe, kur bletët ikin, sepse kthehet në një kafaz dërrasash, pa dobi as për

January 14, 2026 No Comments
Load More