Berisha: Do e anulojmë Paketën e Maleve si ligj që plaçkit tokat, nxit vëllavrasjen dhe vjedhjen
Kryedemokrati Sali Berisha premtoi anulimin e ‘Paketës së Maleve’, me ardhjen e PD në pushtet.
Premtimi u bë në bashkëbisedimin me qytetarët on line në rrjetet sociale, ku tha se Paketa e Maleve, është një ligj që plaçkit tokat, nxit vëllavrasjen dhe vjedhjen.
Sipas Berishës, përmes ‘Paketës së Maleve’, trafikantët nxiten t’u merren pronat qytetarëve, ndërsa këta të fundit nuk kanë asnjë mundësi reagimi, pasi shteti mbron banditët.
Jon Nasi: Z. Sali Berisha, siç keni deklaruar se megjithëse nuk ishit dakord me ligjin 7501, keni kërkuar ndjesë që nuk e keni anuluar. A do e anuloni Paketën e Maleve kur të vini në pushtet si ligj që do grabisë tokat dhe do të krijojë akoma më shumë konflikte të pronës private?
Sali Berisha: Absolutisht, menjëherë. Nga ligjet e para. Si ligj që plaçkit tokat, nxit vëllavrasjen dhe vjedhjen. I teket trafikantit në të ardhmen të të marrë tokën ty, ta merr, nuk guxon të flasësh, të vjen policia, etj, etj.
Ajo është paketa e mafies së maleve për të gjithë Shqipërinë.
Se ju e keni marrë vesh që projektet kryesore janë në lartësinë 30 deri në 100 metra të nivelit të detit.
Por cili është qëndrimi ynë?
Qëndrimi ynë në të gjitha zonat malore ku investohet, 10 vite pa asnjë taksë, përveç taksës së sigurimit të punonjësve.
