Gëzim Saliu
Deputeti Tom Doshi sqaroi duke dalë nga ambientet e Gjykatës së Lartë takimin që pati një ditë më parë me kreun e grupit parlamentar të PS-së, Gramoz Ruçin.
“Ruçin e kam mik. Është i veçantë prej të tjerëve. E quaj shtylla e PS. Edhe me Ruçin e të tjerë do të vijoj të qëndroj akoma. Pavarësisht se bën gabim kur votuan për të më arrestuar, sot e kanë pranuar që janë gabim. Në PS përfaqësoj elektoratin tim. Kam mbështetje jo vetëm nga partia por edhe si individ në Shkodër. Shkodra nuk e votoi LSI-në.”- tha Doshi.
Ndërkaq i pyetur nëse me këtë takim Doshi po negocion rikthimin në Partinë Socialiste pas përjashtimit nga grupi në muajin mars, kohë kur shpërtheu edhe historia e atentatit të pretenduar ndaj tij, Doshi tha se rikthimi në PS nuk do të përbënte lajm.
