Presidenti Ilir Meta ka përkujtuar sot, në një vjetorin e rënies në krye të detyrës, Majorin Klodian Tanushi dhe Dëshmores së Atdheut, Zarife Hasanaj. Dy ushtarakët humbën jetën gjatë misionit të NATO-s në Letoni.
“Në një vjetorin e rënies në krye të detyrës gjatë misionit të NATO-s në Letoni, nderojmë sot me respekt dhe mirënjohje të thellë kujtimin, sakrificën sublime, kontributet e çmuara, patriotizmin, trimërinë dhe ndjenjën e lartë të përgjegjësisë të Dëshmorit të Atdheut, Major Klodian Tanushi dhe Dëshmores së Atdheut, Zarife Hasanaj. Rënia e tyre në krye të detyrës, është dëshmi e lavdishme e përkushtimit dhe sakrificës të Forcave tona të Armatosura në çdo angazhim dhe mision të NATO-s, në shërbim të qytetarëve dhe sigurisë së tyre. I përjetshëm kujtimi i tyre!”,- shkruan Presidenti Meta në një mesazh në Facebook.
